Heimsmynd - 01.10.1992, Qupperneq 8

HFIMSMYl
mest selda t í m a r i t i ð
Frá ritstjóra
ÍVAR JÓNSSON lauk doktorsnámi í stjórn-
málahagfræði við háskólann í Sussex,
Englandi. Hann er höfundur bókarinnar Innri
hringurinn og íslensk fyrirtæki sem hann skrif-
aði ásamt Fannari Jónssyni hagfræðingi. Hann
hefur skrifað greinar í blöð og tímarit bæði hér
og erlendis. Grein hans hér heitir Valdastétt á
villigötum (bls. 16).
JÓHANNA VIGDÍS HJALTADÓTTIR er sérfrœð-
ingur í kóngafólki Evrópu en hún lauk loka-
prófi í blaðamennsku og fjölmiðlafræðum frá
Háskólanum í Freiburg í Sviss og hlaut verð-
laun fyrir lokaritgerð sína um íslenskar fjöl-
miðlakonur. Jóhanna hefur dvalist á megin-
landi Evrópu um árabil og fylgst grannt með
gangi mála þar. Astandið í bresku konungsfjöl-
skyldunni fór ekki fram hjá henni og úttekt
hennar birtist hér (bls. 26).
ÞÓRA KRISTÍN ÁSGEIRSDÓTTIR er með grein
um konur og afstöðu þeirra til annarra kvenna.
Byggir hún greinina meðal annars á skoðana-
könnun þar að lútandi sem og könnun meðal
karla um hvaða konur féllu í kramið hjá þeim.
Þóra Kristín hefur nýlokið við samtalsbók við
Guðberg Bergsson rithöfund sem kemur út hjá
Forlaginu á næstunni (bls. 46).
RRAGI ÓLAFSSON skrifar um tónlist fyrir
HEIMSMYND. Hann er betur þekktur sem
einn Sykurmolanna en sem blaðamaður og fyr-
ir ljóðagerð en tvær ljóðabækur hafa komið frá
honum, Dragsúgur 1986 og Ansjósur 1991.
Bragi skrifar um jazzmúsíkanta og öfgafullan
lífsstíl þeirra á árum áður (bls. 66).
AUÐBJÖRG HALLDÓRSDÓTTIR er menntuð í
fréttamennsku frá Boston University og vann
að loknu námi við The World Monitor, sem er
fréttaþáttur á sjónvarpsstöð The Christian Sci-
ence Monitor í Boston. Auðbjörg tók viðtal við
Maríu Gísladóttur ballerínu og nýráðinn list-
dansstjóra Islenska dansflokksins (bls. 68).
KRISTJÁN JÓHANN JÓNSSON tók viðtal við
Roy Jacobsen, norska rithöfundinn sem hefur
vakið verðskuldaða athygli fyrir bók sína Sig-
urvegarana. Kristján Jóhann er bókmennta-
fræðingur og hann skrifar reglulega fyrir
HEIMSMYND (bls. 74).
HJÖRDÍS SMITH er svæfingalæknir en hún
starfaði í Bandaríkjunum um árabil og fékk þar
ólæknandi matarbakteríu. Hjördís er meistara-
kokkur og við getum óhikað mælt með upp-
skriftunum hennar sem birtast í hverju blaði
HEIMSMYNDAR (bls. 90).
Stríð, styrjaldir og hörmungar því tengdar hafa sett
svip sinn á tuttugustu öldina. Imyndir þessa hryllings
loða við mannkynið eins og blóðug dula. Við höfum
vanist þessari ásýnd þjáningarinnar. Hún er daglegt
brauð fyrir okkur. Við verðum vitni að endalausum
gyðingaofsóknum í kvikmyndum, horfum upp á
hungruð og deyjandi börn í sárþjáðri Sómalíu, en þau
hafa tekið við í sjónvarpsfréttum af andlega vanheilum
og alnæmissjúkum börnum Rúmeníu. Við fáum einnig
á skjáinn myndir af limlestum, höktandi börnum á
hækjum í hinni viðbjóðslegu styrjöld í Júgóslavíu. Við
sjáum mæður, fátækar, hjálparvana alþýðukonur með
társtokkna hvarma, horfa á eftir þessum vesalingum far-
lama inn í óvissu framtíðarinnar. Við erum orðin
þjálfuð í að horfa upp á þjáningu annarra, snúum
okkur í mesta lagi undan andspænis ásýnd barns sem er
að deyja úr hungri í fangi móður, sem er lifandi beina-
grind. Börn með útblásna maga, danglandi útlimi og
dauðann í stórum barnsaugunum. Sjónvarpskóngurinn
Ted Turner var kjörinn maður ársins í fyrra fyrir að hafa
stuðlað að því að heimurinn yrði eitt lítið þorp. í þessu
alheimsþorpi eru mörg samfélög, margir heimar og
sumir þeirra helvíti á jörðu. í einum þessara heima,
þeim velmegandi, býr kristið fólk, alið upp við boðskap
um náungakærleik og ábyrgð á meðbræðrum. Sú
ábyrgð felst í því að fylgjast með úr fjarska, horfa upp á
hörmungarnar í beinni útsendingu, teygja sig í söfn-
unarbauk frá Hjálparstofnun kirkjunnar þegar best
lætur og hneykslast á því að einhverjir aðrir grípi ekki í
taumana. Það er sannarlega þorparablær á þessu
alheimsþorpi. ■

HEIMS
8
MYND