Heimsmynd - 01.10.1992, Blaðsíða 10

ítt

NÝ H;lTi
iHtNJNII
N Di'JÍN mBZh
Bubbi Morthens tónlistarmaður gerði víðreist í sumar
með tónleikahaldi í samvinnu við Visa Island og gerði það
gott. Nú er ný hljómplata með kempunni að koma út í lok
mánaðarins en sú plata var hljóðrituð á Kúbu hvorki meira
né minna. Bubbi fór til Kúbu síðastliðið vor ásamt Eyþóri
Gunnarssyni og í sameiningu hljóðrituðu þeir nokkur ný
lög og texta eftir Bubba og nutu við það aðstoðar innfæddra
músíkanta úr hljómsveitinni Sierra Maestra sem er virt
þarlendis. Nú er verið að vinna að því að fá Sierra Maestra
til Islands til að leika á útgáfutónleikum Bubba.
SJÓNVARPS-
FRÉTTAKONA
GIFTIR SIG
Helga Guðrún Johnson íýrrum sjónvarps-
fréttakona gekk í það heilaga á dögunum og
hinn heppni sem heitir Kristinn Gylfi Jóns-
son er reyndar formaður Félags íslenskra
svínabænda. Athöfnin fór fram í dómkirkj-
unni en veislan á eftir var haldin í Akoges-
salnum í Sigtúni. Hjónakornin eyða nú
hveitibrauðsdögunum í París. Helga Guðrún
lét af störfum hjá Stöð 2 nýlega og er með
viðtalsbók á jólabókamarkaðnum við Lydiu
Pálsdóttur Einarsson. Það má reyndar geta
þess til gamans að fleiri fréttakonur gengu í
það heilaga því Kristín Helga Gunnarsdóttir
einnig fréttakona á Stöð tvö giftist Helga
Geirharðssyni þennan sama dag.
I LÆKJARGÖTU OPNAR AFTUR
Gamla góða Tunglið var opnað á dögunum og þetta heiðurs-
fólk lét sig að sjálfsögðu ekki vanta á staðinn. Skúli Mogenssen
slær kumpánlega á öxl Ingibjargar Pálmadóttur en Tommi í
Hard Rock lítur undan.
ROSANNE BAÐAR SIG OG KVEÐUR
Hin riðvaxna brandarakerling, Rosanne Barr, hefur kvatt íslenska
sjónvarpsáhorfendur í bili. Þessi sjálfshæðna og gagnrýna fitubolla
hefur ýmist glatt eða gramið aðdáendur sína með uppátækjum sínum
í gegnum tíðina en það er eitt næstum óumdeilanlegt að hún er fynd-
in. Hún hóf feril sinn sem skemmtikraftur og gengilbeina á veit-
ingahúsi í Denver. Árið 1983 sló hún í gegn sem brandarakerling í
Los Angeles og fimm árum seinna hóf hún samvinnu við ABC sjón-
varpsstöðina og þættirnir um Rosanne urðu til. Arið 1991 náðu
sjónvarpsþættirnir fimmta sæti á vinsældalista bandarískra sjónvarps-
áhorfenda og þessi þriggja barna móðir þarf því ekki að óttast um
pyngjuna í bili. A myndinni sést hún með augum ljósmyndarans
Annie Leibovitz þar sem hún bregður á leik með eiginmanni sínum,
Tom Arnold.
HEIMS
10
MYND