Árbók Nemendasambands Samvinnuskólans - 01.06.1979, Qupperneq 16

inntökupróf, ákveða við hvaða námskröfur ætti að miða
þau, í hvaða greinum þau ættu að vera og semja prófverk-
efni. Var í mörgu að snúast þessa septemberdaga. Fundir
kennaranna voru tíðir og mörg vandamál rædd ítarlega og
krufin til mergjar. Eru þessir dagar í minningunni eitt
ógleymanlegasta og frjósamasta tímabil ævi minnar. Sam-
starfsmennirnir, Guðmundur og Gunnar Grímsson, báðir
sérstæðir menn og stórbrotnir, Guðmundur, hámenntaður
húmanisti, fljótskarpur og fljóthuga, en vandvirkur og
kröfuharður, ekki síst við sjálfan sig, Gunnar, prúðmenni
í sjón og raun, ríkur að reynslu af fjölbreyttri þátttöku í
atvinnu- og viðskiptalífi og margþættu félagsmálastarfi,
íhugull maður og varfærinn og orðheldinn svo af bar. Til
þessa samstarfs hafði ég helst að leggja framhleypni ungl-
ingsins og það að vera tiltölulega nýlega kominn úr mennta-
skólanámi og hafa enn í viðhorfum og hugsunarhætti snefil
þeirra skoðana, sem vænta mátti af hinu unga fólki, sem
innan skamms mundi fylla húsakynni Bifrastar.
En þessar vikur voru ekki eingöngu rædd málefni náms
og kennslu. Skólaheimilið var oft á dagskrá, reglur um
starfshætti og dagleg samskipti, fyrirkomulag máltíða, til-
högun heimanáms, svefntími og fótaferð, sambúðarhættir
á heimavist og reglur um brottfarir af staðnum og heim-
sóknir til nemenda. öll þessi atriði og fleiri voru rædd og
krufin til mergjar. Smátt og smátt óx upp af þessum um-
ræðum greinargerð um þær kröfur, sem Samvinnuskólinn
gerði til nemenda. Þessi greinargerð var send öllum þeim,
er skólavist fengu.
Þar var fléttað saman ótvíræðum fyrirmælum, lýsingu
á æskilegum markmiðum og ábendingu um ákjósanlega
sambúðarhætti og skynsamlega nýtingu þess tíma, sem til
umráða var.
Enginn kennaranna var neinn harðlínumaður og ég
leyfi mér að fullyrða, að reglur skólans hafi fyrst og fremst
mótast af manneskjulegum viðhorfum, skilningi á ólíku eðli
og upplagi einstaklinganna, en jafnframt miðað að því að
setja daglegu lífi á skólanum þær skorður, sem gerðu nem-
12