Ársrit um starfsendurhæfingu - 2011, Qupperneq 25

25www.virk.is
VIÐTAL
Jón Sigmundsson heimilislæknir Ég hef því sent fólk sem er í hættu á
að missa vinnu sína vegna veikinda til
ráðgjafa hjá VIRK. Þessir sjúklingar hafa
kannski verið mikið frá vinnu og staða
þeirra er orðin krítísk hjá vinnuveitanda.
Núna er erfitt að fá vinnu og miklar
kröfur gerðar til starfsmanna um að þeir
mæti vel til vinnu og leggi sig fram í því
starfi sem þeir gegna. Þeir sem eru oft
frá vinnu vegna veikinda geta því verið í
meiri hættu en aðrir á að missa starfið,“
segir Jón ennfremur. „Þessi ráðgjöf hjá
VIRK hefur verið mjög gagnleg fyrir þetta
fólk. VIRK hefur ekki verið starfrækt mjög
lengi og þess vegna eru sjúklingar mínir
sem voru með erfiðustu vandamálin enn
í endurhæfingu. Ráðgjöfin hefur gengið
vel og ég get fullyrt að hún hefur mælst
vel fyrir hjá þessum sjúklingum.“
Haldið utan um sjúklinginn
„Stundum koma sjúklingar til mín sem
telja að þeir eigi rétt á að fara á örorkubætur
vegna veikinda sinna. Þá vísa ég þeim
í endurhæfingu hjá VIRK og ráðgjafinn
hefur verið ákaflega duglegur að halda
utan um þetta fólk sem er í ráðgjöf.
Ráðgjafinn er tengiliður fólksins og vísar
því veginn í sjúkraþjálfun, til sálfræðings,
í sjálfstyrkingu eða endurhæfingu.
Ráðgjafinn hefur yfirsýn yfir stöðuna og
fylgir málum eftir. Sjúklingurinn hefur frá
þeirri stundu þennan hauk í horni sem
heldur utan um málið. Endurhæfingin
er því í föstum skorðum og markviss.
Með þessu fyrirkomulagi get ég líka sem
læknir fylgst betur með ferlinu og metið
framfarirnar.“
Ánægðir sjúklingar
„Þeir sem ég hef vísað í þetta ferli hafa
verið ánægðir. Fólk fær möguleika á
aðstoð til að verða vinnufært aftur og
líða betur andlega og líkamlega. Ég tel
því að þetta geri fólki gott og að það fái
nýja framtíðarsýn. Skjólstæðingar mínir
fá líka tilfinningu fyrir því að allt sé gert
fyrir þá svo þeir öðlist betri heilsu. Þetta
er tækifæri sem manneskjan fær til að
verða góður og gegn þjóðfélagsþegn sem
líður vel í starfi sínu. Í mínum huga væri
gagnlegt að tekið væri stöðumat á þriggja
til sex mánaða fresti á sjúklingnum í
framtíðinni. Að við færum þá saman yfir
meðferðina og árangur hennar.“
- Hafa skjólstæðingar þínir verið
jákvæðir gagnvart því að vera vísað
til VIRK?
„Já, þeir hafa tekið þessu úrræði á
jákvæðan hátt. Læknar eru oft önnum
kafnir og ég gæti trúað að fólki finnist
það fá betri þjónustu en áður tíðkaðist.
Það er alltaf gott að leita til lækna með
vandamál sín en það er líka nauðsynlegt
að fá stuðning og hvatningu úr annarri
átt. Ráðgjafarnir taka fólk í mjög gott
heildrænt mat þar sem t.d. er spáð í
áhugamál og fundið út hvar tækifæri
viðkomandi liggja.“
- Hefur þú hugsað öðruvísi um
möguleika þinna sjúklinga eftir að hafa
kynnst VIRK?
„Já, mér hefur þótt þetta ferli afar
hjálplegt og gagnlegt. Núna er miklu
betri eftirfylgni á málum sjúklingsins og
meiri líkur á að hann verði fljótt vinnufær
á nýjan leik. Mér líst því mjög vel á þessa
starfsemi og finnst mikilvægt að koma
fólki sem fyrst til ráðgjafans. Þeim mun
fyrr er hægt að finna út hvaða tækifæri
eru til staðar til að gera fólk virkt aftur á
vinnumarkaðnum.“
„Ég hef því sent fólk
sem er í hættu á að
missa vinnu sína vegna
veikinda til ráðgjafa hjá
VIRK. Þessir sjúklingar
hafa kannski verið mikið
frá vinnu og staða þeirra
er orðin krítísk hjá
vinnuveitanda. Núna
er erfitt að fá vinnu og
miklar kröfur gerðar til
starfsmanna um að þeir
mæti vel til vinnu og
leggi sig fram í því starfi
sem þeir gegna. Þeir
sem eru oft frá vinnu
vegna veikinda geta því
verið í meiri hættu en
aðrir á að missa
starfið.“