Ársrit um starfsendurhæfingu - 2011, Qupperneq 27

27www.virk.is
VIÐTAL
Auðbjörg Ingvarsdóttir og Svala Björgvinsdóttir
félagsráðgjafar hjá Tryggingastofnun
það hefur unnið og eftir því í hvaða
stéttarfélag viðkomandi hefur greitt,“
útskýra þær Auðbjörg og Svala.
Tengsl við vinnuveitendur
„Við höfum átt mjög góð og ánægjuleg
samskipti við ráðgjafa VIRK. Bæði vísum
við fólki til þeirra og jafnframt bjóðum
við upp á ráðgjöf til þeirra aðila sem
eru með einstaklinga í endurhæfingu.
Ráðgjafar VIRK leita til okkar ef vafi
leikur á einhverjum málum varðandi
endurhæfingarlífeyri. Fyrir rúmu ári var
lögum um endurhæfingarlífeyri breytt. Nú
þarf fólk að vera búið að nýta sér áunninn
rétt hjá vinnuveitenda og sjúkrasjóðum
áður en til greiðslu endurhæfingarlífeyris
kemur. Hluti þeirra sem sækja um
endurhæfingarlífeyri hjá Tryggingastofnun
hefur verið með ráðgjafa hjá VIRK sem
jafnframt heldur utan um endurhæfingu
þeirra. Með breyttum lögum er gerð krafa
um að fyrir liggi endurhæfingaráætlun
hjá viðkomandi áður en til greiðslu
endurhæfingarlífeyris kemur. Með
tilkomu tilvísana frá sjúkrasjóðum til
VIRK aukast möguleikar á snemmtækri
íhlutun varðandi endurhæfingu. VIRK
er í tengslum við atvinnurekendur og
vonandi þróast starfsemin í markvissari
vinnu með vinnuveitendum þannig að
þeir nýti sér þá góðu möguleika sem VIRK
getur boðið upp á t.d. ef starfsmaður er
að detta út úr vinnu vegna veikinda eða
þarf aðlögun á vinnustað til að ráða áfram
við sína vinnu.“
Mikilvægi eftirfylgdar
Staðan á íslenskum vinnumarkaði er erfið
um þessar mundir. Erfitt getur reynst að
finna ný og léttari störf fyrir einstaklinga
sem ekki ráða við erfiðisvinnu.
Auðbjörg og Svala finna fyrir þessari
breytingu. Þær benda einnig á hvað
það sé mikilvægt að einstaklingum í
endurhæfingu sé fylgt eftir og að ráðgjafi
haldi utan um endurhæfingu og hitti þá
reglulega. Sá aðili þarf líka að fylgjast
með því að endurhæfingin sé að skila
tilætluðum árangri. „Við erum bjartsýnar
á að VIRK eigi eftir að þróast á jákvæðan
hátt í framtíðinni. Tryggingakerfið þarf
vissulega að einfalda. Góð og markviss
endurhæfing er hluti af því.“
„Með hjálp ráðgjafa
VIRK og stéttarfélaganna
er möguleiki á að grípa
einstaklinga áður en þeir
detta út úr vinnu vegna
veikinda og koma þeim
strax í réttan farveg.“