Ársrit um starfsendurhæfingu - 2011, Page 31

31www.virk.is
VIÐTAL
getur verið erfitt að komast inn aftur. Í
sumum tilfellum hefur fólk þurft að skipta
um starfsvettvang þar sem starfið hentar
ekki lengur þrátt fyrir lagfæringar eða
hjálpartæki. Það er ekki mikið svigrúm í
kerfinu og frekar tregða heldur en hitt að
koma til móts við þetta fólk. Það þyrftu
að vera bætur á móti vinnu þannig að
fólk geti áttað sig á vinnugetu eða á
meðan það er að byggja sig upp smátt
og smátt. Batinn kemur hraðast þegar
fólk byrjar að vinna aftur því það eru svo
margir erfiðir félagslegir þættir sem spila
inn í veikindin. Sjálfsmyndin verður strax
sterkari þegar fólk er komið í vinnu.
Þarf að byrja strax
Starfsendurhæfing er jákvætt ígrip og
ég vil leggja áherslu á að það ferli hefjist
snemma. Ef fjarvistir hafa verið miklar á
að gera viðeigandi ráðstafanir strax. Oft
finnst mér að fólk hafi verið of lengi frá
vinnu þegar meðferðin hefst. Þá geta
vandamálin verið orðin fleiri heldur en
þau voru upprunalega,“ segir Sigurborg.
„Ég er ánægð með VIRK og þá
einstaklingsmiðuðu þjónustu sem þar
er unnið eftir. Síðan þarf eftirfylgnin
sömuleiðis að vera góð. Meta þarf árang-
ur og framfarir með stuttu millibili. Ég hef
séð mjög jákvæða hluti gerast með fólk
sem hefur komið til mín. Einstaklingar
sem eru byrjaðir í endurhæfingu eru
opnari fyrir alls kyns námskeiðum og
endurmenntun og ný tækifæri hafa þar
með orðið til. Það er ennfremur jákvætt
fyrir þá sem hafa orðið fyrir áföllum í
lífinu að hafa einhverja manneskju til að
styðja sig á markvissan hátt.“
„Batinn kemur hraðast
þegar fólk byrjar að
vinna aftur því það eru
svo margir erfiðir
félagslegir þættir sem
spila inn í veikindin.“
„Sjálfsmyndin verður
strax sterkari þegar fólk
er komið í vinnu.“