Ársrit um starfsendurhæfingu - 2011, Qupperneq 81

81www.virk.is
UPPLÝSINGAR
Heimasíða
Heimasíða VIRK (www.virk.is) inniheldur
ýmsan fróðleik um starfsemi VIRK og einnig um
starfsendurhæfingu bæði hérlendis og erlendis.
Þar er t.d. að finna yfirlit þjónustu úrræðaaðila í
starfsendurhæfingu eftir landshlutum og ýmsar
fræðigreinar um starfsendurhæfingu.
Úr veikindum í vinnu
Bæklingurinn „Úr veikindum í vinnu“ er ætlaður einstaklingum
sem eru með skerta starfsgetu og inniheldur hann ýmis góð
ráð og fróðleik um mikilvægi vinnunnar í bataferlinu. Einnig
er að finna í honum ýmsar upplýsingar um þjónustu VIRK og
þjónustu ráðgjafa í starfsendurhæfingu. Allir einstaklingar sem
koma til ráðgjafa fá þennan bækling afhentan.
Vinnum saman
Fræðslubæklingurinn „Vinnum saman“ er ætlaður stjórnendum
og starfsmönnum í atvinnulífinu. Í honum er fjallað um leiðir
sem stuðla að farsælli endurkomu einstaklinga til vinnu eftir
veikindi eða slys. Í bæklingnum eru einnig leiðbeiningar um
samskipti fyrir starfsmenn, stjórnendur og atvinnurekendur
og fjallað er um hlutverk ráðgjafa í starfsendurhæfingu ásamt
fróðleik um tengsl veikinda og vinnu.