Morgunblaðið - 10.10.2019, Side 31

FRÉTTIR 31Innlent
MORGUNBLAÐIÐ FIMMTUDAGUR 10. OKTÓBER 2019
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Kerrur
frá Ifor Williams
í öllum stærðum
og útfærslum
Líney Sigurðardóttir
Þórshöfn
Ungir og aldnir fjölmenntu í leik-
skólann Barnabók á mánudaginn en
þá var formleg opnun á nýju hús-
næði leikskólans, þar sem nýkjör-
inn sóknarprestur, Jarþrúður
Árnadóttir, flutti ávarp og blessaði
hús og starfsemi.
Langþráður áfangi er nú í höfn, í
gamla leikskólanum var aðstaða lé-
leg og óhentug og húsið jafnframt
löngu orðið of lítið. Starfsemin var
því til húsa í tveimur byggingum en
nærliggjandi íbúðarhús hafði einnig
verið tekið undir leikskólann þó
ekki væri það til hagræðis að þurfa
að hafa börnin á tveimur aðskildum
stöðum.
Á meðan bygging nýja hússins
stóð yfir sýndu bæði börn og starfs-
fólk mikla þolinmæði en húsið sem
hýsti yngri deildina var að mestu
leyti rifið og nýtt hús byggt á
grunninum.
Með nýjum leikskóla hefur orðið
gjörbylting á allri aðstöðu, jafnt
barna sem starfsfólks og var hið
nýja húsnæði hannað til að koma
sem best til móts við þarfir þeirra á
allan hátt.
Mikil breyting
„Þetta er svo mikil breyting fyrir
okkur öll að henni verður vart lýst
með orðum, það má því segja að allt
hafi breyst,“ sagði Halldóra J. Frið-
bergsdóttir leikskólastjóri í ávarpi
sínu. „Hér hefur starfsfólk í gegn-
um tíðina unnið frábært starf þrátt
fyrir erfiðar aðstæður og á miklar
þakkir skildar.“
Halldóra minnti einnig á það að
börnin dvelja í leikskóla daglangt
mestan hluta ársins, nema rétt yfir
sumarleyfistímann og því ætti öll-
um að vera ljóst mikilvægi góðs að-
búnaðar fyrir þessa yngstu þegna
samfélagsins.
Leikskóli var fyrst byggður í
Miðholti árið 1983 og var þá tvíset-
inn og börnin nestuð að heiman því
eldhúsaðstaða var þar ekki fyrir
hópinn. Nýja rúmgóða leikskóla-
húsið stendur á grunni þess gamla
en húsið er alls 418 m2 og er hannað
þannig að auðvelt er að stækka það
en starfsmannaaðstaða er ætluð
fyrir þriggja deilda leikskóla með
allt að 55 börnum.
Á Barnabóli eru nú 22 börn á
tveimur deildum en rými er þar
fyrir nærri fimmtíu börn en alls
starfa sex manns í leikskólanum
núna auk leikskólastjóra.
Leikskólanum bárust heillaóskir
og veglegar gjafir á þessari opn-
unarhátíð. Fulltrúar félagasamtaka
fluttu ávörp á opnunarhátíðinni og
afhentu myndarlega fjárhæð, alls
900.000 krónur. Gefendur voru For-
eldrafélag leikskólans, Kvenfélagið
Hvöt á Þórshöfn og Verkalýðsfélag
Þórshafnar en einnig gaf Kvenfélag
Þistilfjarðar þrjú leikja- og
kennslusett fyrir ipad svo ljóst er
að hlýhugur fólks er mikill í garð
leikskólans og þeirra sem þar
dvelja.
Langþráður leikskóli
formlega opnaður
 Bylting á aðstöðu barna og starfsmanna á Þórshöfn
Morgunblaðið/Líney
Borðaklipping Ánægð leikskólabörn klippa á borðann á opnunarhátíðinni.
Nýr skóli Það fer vel um leikskólabörnin á Þórshöfn í nýju Barnabóli.
Flybus fagnar 40 ára afmæli á árinu
en flugvallarrútan var sett á lagg-
irnar árið 1979 af Kynnisferðum sem
reka þessa þjón-
ustu enn. Flybus
hefur í tilefni af-
mælisins tekið í
notkun 11 nýja
fólksflutningabíla,
10 af gerðinni
VBL og einn frá
Mercedes-Benz,
að því er fram
kemur í tilkynn-
ingu frá Flybus.
,,Kynnisferðir -
Reykjavík Excursions hófu rekstur
Flybus-rútunnar fyrir 40 árum en
Flybus hefur um árabil verið meg-
inleið farþega á milli Reykjavíkur og
Keflavíkurflugvallar. Áætlunarferðir
Flybus eru í samræmi við allar kom-
ur og brottfarir en við leggjum
áherslu á að veita þeim sem sækja Ís-
land heim bestu mögulegar teng-
ingar við áfangastaði sína. Í tilefni af-
mælisins munum við bjóða 40%
afslátt í Flybus í dag, fimmtudag, á
vefsíðunni flugrutan.is,“ er haft eftir
Birni Ragnarssyni, framkvæmda-
stjóra Kynnisferða, í tilkynningunni.
Þess má geta að Kynnisferðir fögn-
uðu 50 ára afmæli á síðasta ári.
Björn lýsir yfir ánægju með að fá
nýjar rútur í flotann.
„Nýju bílarnir eru sparneytnari og
umhverfismildari en áður. Þeir eru
með aukið pláss bæði fyrir farþega
og farangur og með USB-tengi við öll
sæti auk ókeypis, þráðlausrar net-
tengingar. Bílarnir eru auk þess bún-
ir nýjasta öryggisbúnaði frá fram-
leiðendum og því öruggari í alla staði
fyrir farþega og ökumann. Það er
hluti af umhverfis- og öryggisstefnu
fyrirtækisins. Við höfum yfir að ráða
einum stærsta hópbifreiðaflota Ís-
lands og erum með margar stærðir
bifreiða sem sjá um að koma farþeg-
um okkar á marga af fallegustu stöð-
um Íslands,“ segir Björn enn fremur
í tilkynningu Flybus.
Ljósmynd/Flybus
Flugrútur Nýju bílarnir í flotanum. Þeir eru sagðir sparneytnari og um-
hverfismildari en áður, og með meira pláss fyrir farþega og farangur.
Flybus með
11 nýjar rútur
 Fyrirtækið fagnar 40 ára afmæli í ár
Björn
Ragnarsson
Tryggingar ferðaskrifstofunnar
Gamanferða dugðu fyrir öllum
samþykktum kröfum í félagið eftir
að það fór í rekstrarstöðvun í apríl,
skömmu eftir að WOW air fór í
þrot. Alls bárust 1.044 kröfur
vegna rekstrarstöðvunarinnar, en
980 þeirra voru samþykktar. Byrja
á að greiða út samþykktar kröfur á
næstu dögum.
Þetta kemur fram í tilkynningu
frá Ferðamálastofu en eftir að
Gamanferðir skiluðu inn ferða-
skrifstofuleyfi sínu tók stofnunin
við að reyna að nýta eins og frekast
var kostur þá þjónustu sem þegar
hafði verið bókað og greitt fyrir
eða greitt inn á. Þannig var í fjöl-
mörgum tilfellum hægt að nýta
hluta pakkaferðar, t.d. tónleika-
miða, hótelgistinu eða flug að því er
segir í tilkynningunni. Rekstrar-
stöðvunin hafði áhrif á ferðaáætl-
anir yfir 3.000 manns.
Fram kemur að heildarfjárhæð
krafna var tæpar 203 milljónir. Af
1.044 kröfum voru 980 samþykktar,
þar af 36 að hluta. Heildarfjárhæð
samþykktra krafna var tæpar 190
milljónir. Í 44 tilfellum voru kröfur
dregnar til baka og 20 var hafnað.
Samþykktar kröfur greiddar að fullu
Morgunblaðið/Hari
Ferðir Rekstur Gamanferða stöðvaðist
skömmu eftir að WOW air fór í þrot.