Morgunblaðið - 10.10.2019, Síða 40

40 FRÉTTIRErlent
MORGUNBLAÐIÐ FIMMTUDAGUR 10. OKTÓBER 2019
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Bílar á lager
Sími 4 80 80 80
2019 Ram Limited
Litur: Svartur/ Svartur að innan.
Nýr 6,7L Cummins Turbo Diesel, 400 hö, togar 1000
pund! Aisin sjálfskipting, loftpúðafjöðrun, upphitanleg
og loftkæld sæti, hiti í stýri, segl yfir palli, sóllúga, nýr
towing technology pakki. 35” dekk.
VERÐ
10.129.000 m.vsk
2019 Ram Limited 3500 35”
Nýtt útlit 2019! Litur: Granite Crystal
Nýr 6,7L Cummins Turbo Diesel, 400 hö, togar 1000
pund! Aisin sjálfskipting, upphitanleg og loftkæld sæti,
hiti í stýri, sóllúga, nýr towing technology pakki.
35” dekk.
VERÐ
11.395.000 m.vsk
2019 Ford F-150 Lariat
Litur: Perlu hvítur, svartur að innan.
FX4 offroad-pakki, Bakkmyndavél, Band & Olufsen
hátalarakerfi, heithúðaður pallur, hiti í sætum, hiti í
stýri, fjarstart, o. fl. 3,5 L Ecoboost (V6) 10-gíra
375 hestöfl 470 lb-ft of torque
VERÐ
12.590.000 m.vsk
2019 Ford F-150 Lariat Sport
Litur: Svartur, svartur að innan.
FX4 offroad-pakki, Sport-pakki, Bakkmyndavél, Band
& Olufsen hátalarakerfi, heithúðaður pallur, hiti í öll
sæti, hiti í stýri, fjarstart, o. fl. 3,5 L Ecoboost (V6)
10-gíra 375 hestöfl 470 lb-ft of torque
VERÐ
12.670.000 m.vsk
Bogi Þór Arason
bogi@mbl.is
Ný skoðanakönnun bendir til þess
að meirihluti Bandaríkjamanna telji
að beiðni Donalds Trumps forseta
um rannsókn í Úkraínu á pólitískum
andstæðingi hans sé alvarlegt mál
og réttlæti rannsókn með það fyrir
augum að ákæra hann til embættis-
missis.
Í könnun fyrir dagblaðið Wall
Street Journal og NBC-sjónvarpið
sögðust 54% þátttakendanna telja
að fulltrúadeild þingsins ætti að
rannsaka Úkraínumál með það fyrir
augum að ákæra hann. 39% sögðust
telja að þingið ætti ekki að rannsaka
málið.
Stuðningurinn við slíka rannsókn
á hendur forsetanum er meiri núna
en þegar deilt var um hvort ákæra
ætti Trump vegna skýrslu Roberts
Muellers, sérstaks saksóknara, um
afskipti Rússa af forsetakosning-
unum í Bandaríkjunum árið 2016.
Kannanir bentu þá til þess að um
50% Bandaríkjamanna teldu ekki að
Rússamálið verðskuldaði rannsókn
með það fyrir augum að ákæra for-
setann til embættismissis.
Nýja könnunin bendir til þess að
49% Bandaríkjamanna telji að ekki
eigi að svipta Trump forsetaembætt-
inu á grundvelli þeirra upplýsinga
sem liggja núna fyrir í málinu. 43%
sögðu upplýsingarnar réttlæta emb-
ættissviptingu.
Vilja fá að vita meira
Könnunin sýnir að kjósendur í
Bandaríkjunum vilja fá að vita meira
um gerðir Trumps í málinu, að sögn
þeirra sem önnuðust hana, repúblik-
anans Bills McInturffs og Jeffs Hor-
witts. McInturff benti á að sam-
kvæmt könnuninni eru um 43%
kjósendanna ánægð með störf for-
setans almennt og málið virðist því
ekki hafa minnkað fylgi hans.
Könnunin bendir til þess að 76%
kjósendanna séu ósammála þeirri
staðhæfingu að Donald Trump hafi
verið heiðarlegur og sannsögull í
Úkraínumálinu. Um 88% sögðust
hafa neikvæð viðhorf til Trumps sem
persónu, að sögn The Wall Street
Journal.
51% óháðra vill rannsókn
Eins og búast mátti við var stuðn-
ingurinn við rannsóknina mikill á
meðal demókrata en lítill meðal
repúblikana. Um 84% demókrata
sögðu Úkraínumálið verðskulda
rannsókn þingsins en 78% repúblik-
ana töldu að hún væri af pólitískum
rótum runnin og liður í árásum
demókrata á Trump. 51% óflokks-
bundinna kjósenda sagði Úkraínu-
málið verðskulda rannsókn en 42%
voru á öndverðum meiði. 45% óháðu
kjósendanna sögðust vera andvíg
því að Trump yrði sviptur embætt-
inu en 39% voru hlynnt ákæru og
embættissviptingu.
Að sögn The Wall Street Journal
bendir könnunin til þess að kjós-
endur repúblikana skiptist í tvo
hópa, þá sem styðji Trump meira en
flokkinn og þá sem styðji flokkinn
meira en Trump. 21% þeirra síðar-
nefndu taldi að svipta ætti forset-
ann embættinu en 96% þeirra sem
styðja Trump meira en flokkinn
sögðu að þingið ætti ekki að víkja
honum frá.
Rússar reyndu að hjálpa
Trump í kosningunum
Leyniþjónustunefnd öldunga-
deildar þingsins birti í fyrradag nýja
skýrslu þar sem hún kemst að þeirri
niðurstöðu að Rússar hafi haft af-
skipti af kosningunum 2016 og reynt
að hjálpa Donald Trump. Nefndin
segir þó ekki að afskipti Rússa hafi
haft áhrif á niðurstöðu kosninganna.
Repúblikanaflokkurinn er með
meirihluta í deildinni og rannsókn
nefndarinnar var gerð undir forystu
repúblikana. Í skýrslunni segir að
netrannsóknafyrirtæki í Péturs-
borg, IRA, hafi misnotað samfélags-
miðla í umfangsmikilli herferð til að
styðja Trump. „Nefndin komst að
þeirri niðurstöðu að IRA reyndi að
hafa áhrif á forsetakosningarnar í
Bandaríkjunum með því að skaða
Hillary Clinton og minnka sigurlíkur
hennar og styðja Donald Trump að
fyrirmælum stjórnvalda í Kreml,“
segir í skýrslu leyniþjónustunefnd-
arinnar.
Leyniþjónustustofnanir Banda-
ríkjanna höfðu komist að sömu
niðurstöðu. Donald Trump hefur
hins vegar vísað þessu á bug og sagt
að rannsóknin á afskiptum Rússa sé
liður í „nornaveiðum“ demókrata og
byggist á „falsfréttum“.
Meirihluti hlynntur rann-
sókn þingsins á Trump
 54% Bandaríkjamanna vilja rannsókn á Úkraínumálinu
AFP
Ákæru krafist Mótmælendur krefjast ákæru til embættismissis á hendur
Donald Trump Bandaríkjaforseta í grennd við þinghúsið í Washington.
Bogi Þór Arason
bogi@mbl.is
Tyrkir hófu í gær lofthernað og
sprengjuárásir á yfirráðasvæði
Kúrda í norðanverðu Sýrlandi til að
auðvelda innrás sem Donald Trump
Bandaríkjaforseti greiddi fyrir með
því að fyrirskipa að bandarískir her-
menn yrðu fluttir af svæðinu.
Recep Tayyip Erdogan, forseti
Tyrklands, tilkynnti á Twitter að
hernaðurinn væri hafinn og skömmu
síðar gerðu herþotur og stórskotalið
tyrkneska hersins árásir á stöðvar
hersveita Kúrda meðfram landa-
mærunum. Þúsundir íbúa bæja og
þorpa á svæðinu flúðu frá heim-
kynnum sínum.
Árásirnar höfðu verið yfirvofandi
frá því að Donald Trump tilkynnti
um helgina, eftir símasamtal við Er-
dogan, að hann hefði ákveðið að
fyrirskipa að bandarískir hermenn
yrðu fluttir frá landamærunum að
Tyrklandi og Tyrkir myndu hefja
hernað í norðanverðu Sýrlandi.
Ákvörðun Trumps vakti hörð við-
brögð á þingi Bandaríkjanna og
margir þingmenn repúblikana gagn-
rýndu hana, þeirra á meðal leiðtogi
þeirra í öldungadeildinni. Þeir lýstu
ákvörðuninni sem svikum við her-
sveitir Kúrda, sem hafa verið mikil-
vægir bandamenn Bandaríkjahers í
baráttunni gegn Ríki íslams, sam-
tökum íslamista. Þeir óttast einnig
að hernaður Tyrkja verði til þess að
íslamistasamtökin rísi úr öskustónni
með hryðjuverkum og árásum til að
leggja aftur undir sig landsvæði sem
herlið Kúrda náði af þeim.
„Biðjum fyrir kúrdískum banda-
mönnum okkar sem stjórn Trumps
hefur hlaupist frá með skammar-
legum hætti,“ sagði Lindsey Gra-
ham, áhrifamikill repúblikani í öld-
ungadeild Bandaríkjaþings og einn
af dyggustu stuðningsmönnum for-
setans.
Trump sagði í gær að hann styddi
ekki hernað Tyrkja og teldi hann
vera „slæma hugmynd“.
Óbreyttir borgarar féllu
Tyrkir hófu landhernað nokkrum
klukkustundum eftir að loftárásirn-
ar hófust. Bandalagið Sýrlensku lýð-
ræðisöflin sagði í gær að minnst átta
óbreyttir borgarar hefðu látið lífið í
fyrstu árásum Tyrkja í grennd við
bæina Tel Abyad og Ras al-Ain. Það
hvatti Bandaríkin og fleiri lönd til að
koma á flugbanni yfir landamæra-
svæðunum til að vernda íbúana og
afstýra neyðarástandi.
Sýrlensku lýðræðisöflin eru undir
forystu samtaka sýrlenskra Kúrda,
YPG. Tyrkir segja að þau séu
hryðjuverkasamtök og í nánum
tengslum við Verkamannaflokk
Kúrdistans (PKK), sem hefur barist
fyrir því að Kúrdar fái sjálfstjórn-
arréttindi í Tyrklandi. Erdogan seg-
ir að hernaðurinn í norðanverðu Sýr-
landi sé nauðsynlegur til að halda
YPG-samtökunum í skefjum vegna
tengsla þeirra við aðskilnaðar-
sinnaða Kúrda í Tyrklandi. Hann
kveðst einnig ætla að koma á
„öryggissvæði“ á um 32 km breiðu
belti við landamærin og flytja þang-
að um tvær milljónir af 3,6 milljónum
Sýrlendinga sem hafa flúið til Tyrk-
Þúsundir manna
flýja árásir Tyrkja
 Óttast er að samtökin Ríki íslams rísi úr öskustónni
Hernaður Tyrkja gegn hersveitum Kúrda hófst í gær
Árásir Tyrkja á Norður-Sýrland
Heimild: Mannréttindahreyfingin SOHR
Ras al-Ain
50 km
TYRKLAND
S Ý R L A N D
Aleppó
Raqa
Hasakeh
Gaziantep
Efrat
Tal Abyad
Hernaðurinn hófst
með loftárásum
á svæðið
AFP
Á flótta Kúrdar flýja sprengjuárásir Tyrkja í norðanverðu Sýrlandi.