Fréttir - Eyjafréttir - Jul 2019, Blaðsíða 62

62
Í þínu starfi hjá bænum, var eitthvað eftirminni-
legra en annað? Það er óhætt að segja að mörg mál
eru mér minnisstæð, enda kjörtímabilið nokkuð
róstursamt, ef svo má að orði komast. Reyndar var
það svo að ekki var hægt að mynda fleiri meirihluta,
þar sem allir kostir höfðu verið reyndir. Sögulega
séð nokkuð áhugaverð staða. Þegar árin liða og
horft er í baksýnispegilinn má segja að það sem er
eftirminnilegast er að allir sem komu að stjórnun
sveitarfélagsins hafi í raun getað staðið uppréttir að
því loknu.
miklar breytingar á skipulagi
Hvað fannst þér takast best á tímabilinu? Hér er
nokkur mál sem ég vil nefna. Á þessum tíma voru
gerðar miklar breytingar á skipulagi nefnda og
stjórnunarformi bæjarfélagsins. Umdeilt nokkuð,
en stendur að mestu enn. Haldin voru íbúaþing,
þar sem reynt var að virkja sem flesta og var mjög
áhugavert. Í dag er slíkt ekkert nýnæmi. Ekki má
gleyma verkefninu Pompei norðursins sem tók sín
fyrstu skref og endaði í frábæru safni sem allir geta
verið stoltir af. Að auki ber að nefna að rekstrarlega
séð, tekið tillit til þess umhverfis sem Vestmanna-
eyjarbær og mörg önnur sveitarfélög voru í hafi tek-
ist nokkuð vel til og grunnur byggður að sókn í þeim
málum. Farið var í fjölmargar framkvæmdir sem of
langt mál væri að rekja hér í þessu spjalli.
stóra málið voru samgöngur
Hvað var mest rædda málið manna á milli í þinni
bæjarstjórnartíð? Skemmtileg spurning, en það á
að koma fáum á óvart að stóra málið var að sjálfs-
söguðu samgöngumálin og framtíðarfyrirkomulag
þeirr, umræða sem varað hefur lengi og gerir enn.
Vonandi eru samgöngumálin að komast í betri
farveg enda skipta þau sköpum um þróun og fram-
tíð samfélagsins í Vestmannaeyjum. Gaman hefur
verið að fylgjast með yfirtöku Vestmannaeyjabæjar
á rekstri Herjólfs og þeirri flottu vinnu sem þar hef-
ur átt sér stað undir forystu Lúðvíks Bergvinssonar
formanns Herjólfs ohf.
frábært starfsfólk á öllum sviðum
Eftirminnilegasta samstarfsfólkið og af hverju?
Nú er það þannig að maður var svo lánsamur að fá
að vinna með frábæru fólki sem lagði sig fram við
að gera sitt besta með hagsmuni Vestmannaeyja
að leiðarljósi. Það er erfitt og reyndar varla sann-
gjarnt að nefna einn umfram annan, enda vann
maður með frábæru starfsfólki á mörgum sviðum.
Þó er það svo að mig langar að nefna einn aðila sem
reyndist mér ákaflega vel og kom ávallt á óvart með
sinni miklu þekkingu. Maðurinn er Áki Heinz Har-
aldsson, þekking hans á íbúum Eyjanna og sögunni
er með ólíkindum. Í hvert skipti sem ég leitaði til
hans fékk maður hafsjó af fróðleik og oft á tíðum
langt umfram fyrirspurn. Til gamans má geta þess
að sagnfræðiáhugi minn er alfarið Áka að þakka,
reikna þó ekki með að maður verði meira en hálf-
drættingur á við karlinn þegar fram líða stundir.
Að lokum langar mig að koma á framfæri bestu
kveðjum og velfarnaðaróskum til Eyjamanna allra.
Bergur Elías Ágústsson fæddur
í Vestmannaeyjum á því herr-
ans ári 1963 eins og hann orðar það sjálfur.
Hann er alinn upp á Illugagötunni og lék sér í
fótbolta í Brimhólalaut alla daga, eftir gos tók
Íþróttahúsið við. Bergur var bæjarstjóri í Vest-
mannaeyjum á árunum 2003 til 2006 og flutti
héðan þegar hann lét af störfum og starfaði sem
bæjarstjóri Norðurþings í átta ár. Í dag starfar
Bergur sjálfstætt við ýmis rekstrartengd verk-
efni fyrir innlenda og erlenda aðila. Bergur
er kvæntur Bryndísi Sigurðardóttir. „Saman
eigum við eitt handboltalið af börnum sem
vegnar vel. Kona mín sem er mikill bókaormur
sér um bókasöfn Norðurþings þ.e. Húsavík,
Kópasker og Raufarhöfn.“
2003
allir stóðu
upprÉttir Í lokin
Bergur Elías Ágústsson,
bæjarstjóri 2003-2006
SArA SJöFn GrEttISDÓttIr
sarasjofn@eyjafrettir.is
Bergur Elías Ágústsson, bæjarstjóri
í Vestmannaeyjum 2003-2006