Tímarit hjúkrunarfræðinga - 2016, Side 68

FAGDEILD ÖLDRUNAR HJÚKRUNAR­
FRÆÐINGA – VERTU MEÐ !
• Fagdeild öldrunarhjúkrunarfræðinga var stofnuð 1994 og er ein fjölmennasta fagdeildin
innan Félags íslenskra hjúkrunarfræðinga með 180 félagsmenn.
• Fagdeildin leggur áherslu á að öldruðum sé veitt hjúkrunarþjónusta sem byggir á
gagnreyndri þekkingu og að stuðlað sé að virkri fræðslu og forvörnum. Auk þess sem
hvatt er til stöðugra umbóta og gæðastjórnunar á öllum stigum öldrunarþjónustu.
• Fagdeildin er vettvangur faglegrar umræðu meðal hjúkrunarfræðinga í öldrunarþjónustu
um land allt og heldur meðal annars úti umræðusíðu á Facebook undir nafni
fagdeildarinnar. Auk þess eru haldin málþing og ráðstefnur um fagleg málefni í
öldrunarþjónustu einu sinni til tvisvar á ári.
• Í stjórn fagdeildarinnar sitja 5 aðalmenn og 2 varamenn. Aðalfundur er haldinn árlega
og er hvert kjörtímabil 2 ár. Allir meðlimir fagdeildarinnar eru kjörgengir og hafa
kosningarétt á aðalfundi.
• Fagdeild öldrunarhjúkrunarfræðinga er mikilvægur hlekkur í faglegri umgjörð
öldrunarþjónustunnar þar sem saman eru komnir fjölmargir hjúkrunarfræðingar
með mikla sérþekkingu í öldrunarhjúkrun. Hjúkrunarfræðingar sem starfa við
öldrunarhjúkrun og aðrir áhugasamir hjúkrunarfræðingar eru hvattir til þátttöku í
deildinni.
Skráning er á vef Fíh, hjukrun.is, undir flipanum Fagsvið