Morgunblaðið - 12.12.2019, Blaðsíða 34

34 FRÉTTIRInnlent
MORGUNBLAÐIÐ FIMMTUDAGUR 12. DESEMBER 2019
Leikhópurinn Miðnætti hefur sýnt
barnaleikritið Jólaævintýri Þorra
og Þuru í leikstjórn Söru Martí
Guðmundsdóttur í Tjarnarbíói í
Reykjavík á aðventunni. Vegna
mikillar aðsóknar hefur verið bætt
við tveimur aukasýningum næstu
tvo sunnudaga.
„Þetta hefur gengið mjög vel,“
segir Agnes Th. Wild, sem leikur
Þorra. Sigrún Harðardóttir leikur
Þuru og Sveinn Óskar Ásbjörnsson
leikur öll önnur hlutverk og stýrir
brúðunum Huldu búálfi og Jólakett-
inum. Agnes og Sigrún eru jafn-
framt höfundar handrits og tónlist-
ar. Eva Björg Harðardóttir hannaði
búninga og leikmynd, Hafliði Emil
Barðason sér um lýsingu og Elísa-
bet Skagfjörð um dans- og sviðs-
hreyfingar.
„Leikritið fjallar um hvað lítil
góðverk og kærleikur geta haft
mikil áhrif og hjálpað okkur í jóla-
brjálæðinu,“ segir Agnes. „Sýningin
fjallar einnig um vináttu og vænt-
umþykju en Þorri og Þura eru
bestu vinir. Þetta er hugljúf jóla-
saga sem á vel við á aðventunni.“
Álfarnir Þorri og Þura hafa heim-
sótt marga leikskóla vítt og breitt
um landið frá 2008, komið fram á
ýmsum hátíðum og voru í jólaþátt-
unum Týndu jólin sem sýndir voru
á RÚV síðustu jól og eru nú í end-
ursýningu. „Þorri og Þura eru enn
á ferðinni í leikskólum,“ áréttar
Agnes.
Systurnar Eva Björg og Sigrún
Harðardætur stofnuðu leikhópinn
Miðnætti 2013 ásamt Agnesi og
hafa rekið hann síðan. Þær settu
meðal annars upp brúðusýninguna
Á eigin fótum í Tjarnarbíói fyrir um
þremur árum og fara með hana til
Japans í maí á næsta ári. „Þar sýn-
um við sýninguna á einni stærstu
barnaleikhúshátíð heims,“ segir
Agnes.
Sýningin Djákninn á Myrká –
sagan sem aldrei var sögð verður
tekin upp aftur á Akureyri í febrúar
og í Tjarnarbíói í mars en verkið
hefur áður verið sýnt fyrir norðan.
„Svo erum við að vinna í nýju verki,
Geim-mér-ei, brúðusýningu, sem
verður frumsýnd á næsta leikári.“
Jólaævintýri Þorra og Þuru verð-
ur sýnt í Tjarnarbíói klukkan 13.00
og 15.00 næstu sunnudaga, 15. og
22. desember. „Verkið er fyrir
tveggja ára og eldri og fjölskyldur
þeirra,“ segir Agnes.
steinthor@mbl.is
Aukasýningar
á leikritinu með
Þorra og Þuru
 Góð aðsókn að barnaverkinu um álfana
 Leikhópurinn á leikhúshátíð í Japan
Morgunblaðið/Eggert
Tjarnarbíó Þorri og Þura bregða á leik í jólaævintýri álfanna.
Krossgátubók ársins 2020 er kom-
in í verslanir en bókin kemur út ár
hvert fyrir jólin. Þetta er 37. ár-
gangur bókarinnar.
Krossgátubókin er 68 síður og
eru gáturnar bæði fyrir nýliða í
fræðunum og þá sem lengra eru
komnir.
Lausnir annarrar hverrar gátu
eru aftast í bókinni. Forsíðumynd-
in er að venju eftir Brian Pilk-
ington teiknara. Hún er af Katrínu
Jakobsdóttur forsætisráðherra.
Krossgátubók ársins 2020 fæst í
helstu blaðsölustöðum landsins.
Útgefandi er sem fyrr Ó.P.-
útgáfan ehf., Auðbrekku 16, Kópa-
vogi, en aðaleigandi hennar er
Ólafur Pálsson. Prenttækni ehf.
prentaði.
Krossgátu-
bók ársins
2020 er
komin út
Háaleitisbraut 58–60 • 108 Reykjavík • Sími: 553 1380 STOFNAÐ 1953
Njóttu jólabakstursins,
við hreinsum fötin