Gríma - 24.10.1932, Qupperneq 5

Þáttur aí Halldóri Kröyer.
(Skrásettur 20. maí 1932 af Þorsteini M. Jónssyni, eftir
frásögn Sigurjóns Þorgrímssonar, fyrrum gestgjafa á Húsa-
vík).
1. Frá Jðhanni Kröyer.
Maður er nefndur Jóhann Kröyer. Hann fæddist í
Kaupmannahöfn árið 1766 og var þar til fermingar
alinn upp í föðurleysingjahúsi. Fór hann þá til fs-
lands og varð búðarpiltur á Húsavík hjá einokunar-
verzluninni þar, sem þá var rekin fyrir konungsfé,
sem og um allt landið. Reyndist hann ráðvandur og
siðprúður í starfi sinu og mun snemma hafa aflað
sér álits og trausts manna. Þá er hann var fulltíða
maður, kvæntist hann Rakel Halldórsdóttur frá
Skógum í Reykjahverfi. Þeirra synir voru þeir: 1.
Jörgen, er prestur varð að Miklagarði í Eyjafirði og
síðar að Helgastöðum í Þingeyjarsýslu; 2. Halldór,
sá er hér verður meira um sagt; 3. Páll, sem varð
hreppstjóri í Höfn í Siglufirði; 4. Pétur, bóndi á Bæ
á Höfðaströnd; 5. Jóhann, sem seinast var á Helga-
stöðum hjá séra Jörgen bróður sínum og dó þar; 6.
Andrés, er varð bóndi á Háhamri í Eyjafirði.