Spássían - 2010, Qupperneq 8

8
dálítið fræðilegar. Að leyfa sér að vera með
kynusla án þess að vera þar af leiðandi lesbía
eða hommi. Að skilja á milli hugmynda
um eðli og sjálfsmynd og leika sér með
kynhlutverk og kynhneigðir því
það hafa allir gaman að því að stíga
aðeins út fyrir rammann. Þetta
gengur ekki bara út á kynhneigð og
snýst um svo allt annað og meira en
að sofa hjá einhverjum með ákveðna
tegund kynfæra.“
Þær benda á að hinsegin pólitísk
barátta hefur að miklu leyti gengið
út á það að berjast fyrir því að
fá að ganga inn í samfélagið eins
og það er. „Við viljum ekki aðlaga
okkur að samfélaginu, heldur breyta
samfélaginu. Við erum ekki að biðja um
umburðarlyndi heldur krefjast þess að fá
að vera eins og við viljum.“
Íris orðar það þannig að hinsegin
pólitísk barátta hafi stundum virst ganga
út á það að berjast fyrir því að fá að vera
plebbi, að fá að vera „streit“. „Stór hópur
homma og lesbía er mest streit fólk sem
fyrirfinnst á þessu landi og hefði gott af því
að stunda smá kynusla með okkur.“ Adda
ítrekar að streit í þessu samhengi merki að
ganga inn í kapítalíska fjölskyldumunstrið
og hinar taka undir og segjast vilja berjast
gegn dýrkuninni á fjölskyldunni sem
upphafi og endi alls. „Það er sífellt talað um
fjölskyldurnar í landinu og fjölskyldugildi.
Hvað með einstaklingana? Við erum á móti
því hvernig allt miðast við upphafningu
fjölskyldunnar, þeirri hugsun að þú sért
ekki fullkomin nema með trúlofunarhring
og sért á rangri braut ef þú átt ekki
börn. Sumar okkar langar til að eignast
fjölskyldur, aðrar kannski ekki, en fólk má
vera alls konar.“
stefna á að breyta heiminum
Í ljós hefur komið að markmið þessara
tónlistarkvölda er öðrum þræði að bylta
samfélaginu, hvorki meira né minna, þótt
grunnt sé á húmornum og þær geti hlegið
að sjálfum sér. Þær grínast með það að
hvert atriði þurfi helst að breyta heiminum
og að fólk þurfi að svara spurningalista
þegar það mæti á svæðið. Adda flýtir sér
þó að árétta að þær séu ekkert strangar.
„Við þurfum ekkert að skilgreina allt í
köku og leyfum fólki líka að vera með alveg
ópólitísk atriði.“
Þegar viðtalið var tekið var undirbúningur
að hefjast fyrir jólakvöld 9. desember.
„Þetta verður jólaqueer“, upplýsa þær.
„Jólin eru yndisleg og kærleiksrík og
við viljum hafa jólastemningu en ekki
þessa þvingandi köfnunartilfinningu
sem fylgir líka stundum jólunum“,
segir Adda. „Kannski verða queer
piparkökuskreytingar og hugsanlega munu
Lostrósir troða upp.“ Markmiðið segja þær
að „queera upp“ fasta punkta eins og jólin,
deitböll, páskana, árshátíðir, kvennakvöld,
Þorrablót og barnaafmæli. „Samt erum við
ekkert strangar á þemanu“, ítreka þær að
lokum. „Það er miklu skemmtilegra að hafa
þetta opið, þá komast allar hugmyndir á
flug.“
Smáauglýsing
Farandklúbburinn Skyndilega greip mig
óstjórnleg löngun auglýsir eftir konum (í
sem víðustum skilningi) til að vera með
tónlistaratriði (í sem víðustum skilningi).
Öll listform koma til greina, til dæmis
ljóðalestur, upplestur og gjörningar, og
allt fólk sem langar til að koma fram á
hinsegin kvöldi. Áhugasamir sendi póst á
addaingolfs@gmail.com.
Prentsmiðjan GuðjónÓ hlaut umhverfisvottun fyrst árið 2000 hjá
Norræna umhverfismerkinu Svaninum og getur því umhverfismerkt
allar vörur sínar sem koma frá fyrirtækinu.
GuðjónÓ ætti því að vera fyrsti valkostur þeirra
fyrirtækja sem vilja að allir þættir rekstursins
séu umhver svænir.
Áratuga reynsla af Svaninum segir allt!
Sími 511 1234 • w w w.gudjono.is
Göngum hreint til verks!
Auður Aðalsteinsdóttir