Spássían - 2010, Blaðsíða 46

46
Kristín og Þóra Tómasdætur.
Bók fyrir forvitnar stelpur! Veröld. 2010.
Nýja platan er það fyrsta sem kemur til tals. „Í rauninni
átti hún að vera eins konar hreinsun“, segir Barði. „Ég
átti svo mikið af, „live“ upptökum og lögum sem höfðu
aldrei verið notuð. Ég ætlaði að vinna þau áfram, klára
þau og setja sem aukaefni. Þegar ég fór síðan að hlusta
á þau og vinsa úr þau sem voru betri, var ég kominn
með 13 lög sem mér fannst alveg frambærileg.“
En þegar Barði fór að taka saman A hlutann - þau lög
sem hafa hljómað hvað víðast - fannst honum aukaefnið
ekki nógu gott í samanburði við útgefna efnið: „Ég hafði
auðvitað sleppt þessum lögum upprunalega af því þau
voru ekki nógu góð.“ Hann sá því ekki lengur tilgang
í að setja saman slíka plötu og virðast þessi óútgefnu
lög dæmd til að heyrast aldrei. „Kannski átti þetta
aldrei að fara lengra og var frekar liður í því að velja
lögin sem ég svo gaf út. Oft þarf maður að fara í gegnum
eitthvert ferli til að ná því sem maður vill.“ Því lagði
hann höfuðið í bleyti og fór að velta því fyrir sér hvers
konar plötu hann myndi vilja hlusta á. „Þá mundi ég
eftir Best of Carpenters „tribute“ diski sem hafði verið
gefinn út fyrir nokkru. Þar tóku ýmsar hljómsveitir
Carpenterslög og gerðu að sínum. Mér fannst það
heppnast mjög vel svo ég talaði við hljómsveitir sem
mér fannst skemmtilegar og athugaði hvort þær væru
ekki í stuði til að gera „cover“ af lögunum mínum. Það
tóku allir voða vel í það og þar með varð til diskur tvö á
þessari „best of“ plötu. Lögin mín og svo annar diskur
með íslenskum hljómsveitum af að taka „cover“ af
lögunum mínum.“
Inni á tonlist.is er minnst á rímixlög sem fylgja
plötunni. „Sumir hafa gaman af rímixlögum. Mörg
slík hafa verið gerð af lögunum mínum í gegnum
tíðina þannig að ég ákvað að láta nokkur þeirra sem
mér fannst skemmtilegust fljóta með. Fólk fær þau í
kaupbæti, bæði þegar það verslar diskinn á netinu og
úti í búð. Það er kóði á diskinum sjálfum sem fólk getur
notað og eins setti ég fimm lög með sem hafa komið
út sem aukaefni annars staðar. Lög sem hafa komið út
erlendis og Íslendingar hafa kannski ekki haft aðgang
að. Fólk er því að fá „best of“ plötu, „kover“ plötu og
svo getur það sótt rímix og fimm aukalög á tonlist.is.“
Barði segir samstarfið við hljómsveitirnar hafa gengið
vel, svo og ferlið allt.
Barði situr ekki auðum höndum og er að vinna í
ýmsum öðrum verkefnum. Má þar nefna tónlist fyrir
sýningar á Heddu Gabler eftir Henrik Ibsen sem verða
í Þjóðleikhúsinu snemma á næsta ári, svo og næstu
Bang Gang plötu sem áætlað er að komi út í byrjun
sumars. Eitt af þeim verkefnum sem hann hefur
ráðist í er óperan Red Waters sem hann er að vinna
með samstarfskonu sinni úr Lady and Bird dúettnum,
Keren Ann. „Óperan fjallar um lítinn bæ. Hjá bænum
rennur á og í hennir er vín. Það á að frumsýna hana í
Frakklandi í október/nóvember 2011. Við munum
opna óperuhátíð í Rúðuborg og höfum unnið þetta í
samvinnu við leikhús í Frakklandi sem er hálfgerður
framleiðandi að þessu. Ég, Keren Ann og Sjón unnum
grunnhugmyndina saman og síðan höfum við Keren
Ann unnið við textann og músíkina.“ Tónlistin er alveg
ný, segir Barði, og verður frumflutt þarna. Ennþá er
Ísland ekki inni í myndinni en hann vonar að óperan
verði einhvern tímann flutt hérna heima. „Þetta lofar
alla vega mjög góðu þar sem þetta er statt í dag.“
Ásta Gísladóttir
Hljómsveitin Bang Gang er í raun eins manns hljómsveit Barða
Jóhannssonar, sem fær aðra listamenn í lið með sér til þess að gefa
plötunum nýjar víddir. Hann gaf á dögunum út plötuna Best of Bang Gang
og hélt af því tilefni útgáfutónleika í Þjóðleikhúsinu þar sem gamalkunnug
lög fengu nýtt líf í flutningi hinna ýmsu ólíku listamanna. Barði var tekinn tali í
kjölfarið en margt fleira er á döfinni hjá honum á næstunni.Besta platan til þessa