Íþróttablaðið - 01.12.1986, Qupperneq 77

Borðtennis
sem borðtennis verður í fyrsta sinn
meðal keppnisíþrótta. Við ætlum okk-
ur að ná langt þar. Kínverjar hafa verið
lengi í broddi fylkingar en nú eru sífellt
fleiri þjóðir farnar að iðka borðtennis
af alvöru og státa af góðum leikmönn-
um. Þar verður án efa hart barist.
Nú hafði Ulf Johannsson lokið við
að koma gúmmíinu haganlega fyrir á
spaðanum og farinn að gjóa augunum
til borðsins enda hans leikur í þann
mund að hefjast. Þar með þökkuðum
við honum spjallið og hann hvarf á vit
kúlunnar og Ping pong.
KJELL JOHANNSSON
KJELL JOHANNSSON er eins og
fyrr segir fertugur að aldri og á að baki
glæstan feril sem borðtennisleikari inn-
an Svíþjóðar og utan. Hann hóf að
leika borðtennis 9-10 ára gamall en
stundaði jafnhliða knattspyrnu, ís-
hokkí o.fl. Á fimmtánda ári sneri hann
sér alfarið að borðtennis. Hann var frá
upphafi á samningi hjá liðum í heima-
landinu en hætti keppni í alþjóðlegum
mótum árið 1977. Kjell keppti áfram
innan Svíþjóðar sem atvinnumaður í
íþróttinni til ársins 1980 en síðan hef-
ur hann starfað hjá fyrirtækinu Stiga
TBT í Tranaas í Svíþjóð. Ferðast hann
um heiminn og kynnir þær vörur sem
Stiga hefur á boðstólum en vekur jafn-
framt athygli á íþróttinni.
Kjell Johannsson var að Ijúka sínum
ferli sem leikmaður í sænska landslið-
inu í borðtennis þegar Ulf kom inn í
liðið. Varð hann síðar þjálfari landsliðs-
ins. Hvað finnst honum um Ulf Carls-
son?
— Ulf Carlsson er mjög sterkur
leikmaður og óvenju fjölhæfur. Flest-
um stigum til þessa hefur hann náð
með föstu forhandar„smassi“. Hann er
mjög vinsæll í Svíþjóð. Áhorfendur
hafa gaman að fylgjast með honum
leika vegna þess hve lifandi leikmaður
hann er og beitir fjölbreyttri tækni. Jú,
ég held að hann eigi eftir að ná enn
lengra. Hann er nú ekki nema 25 ára
og getur þess vegna verið í 10 ár í við-
bót í toppbaráttunni.
BSÍ hópferðabílar er ein elsta og reyndasta hópferða-
bílaleiga landsins. Hjá okkur er hægt að fá langferða-
bifreiðar til fjallaferða og í bílaflota okkar eru lúxus
innréttaðir bílar með vídeótæki og sjónvarpi og allt
þar á milli. BSÍ hópferðabílar bjóða margar stærðir
bíla, sem taka frá 12 og upp í 60 manns. Okkar bílar
eru ávallt tilbúnir í stutt ferðalög og langferðir, jafnt
fyrir félög, fyrirtæki, skóla og aðra hópa sem vilja ferð-
ast um landið saman.
Opnunartímar:
Frá 1. júní til 31. ágúst er opið alla daga frá kl. 8—20
og frá 1. september til 31. maí er opið virka daga frá kl.
9-17.
BSÍ HÓPFERÐABÍLAR
(Imferðarmiðstöðinni vA/atnsmýrarveg.
Símar 25035 og 22300.
ÍSLENDINGAR EIGA MARGT
ÓLÆRT
— Hvað með íslenska borðtennis-
menn?
77