Fréttablaðið - 24.11.2020, Síða 50

Elín
Albertsdóttir
elin
@frettabladid.is
María býr ásamt eiginmanni
sínum, David Milo, og tveimur
börnum í Austin í Texas. Vegna
COVID-19 hafa þau dvalið hér á
landi hjá foreldrum Maríu í nokkra
mánuði, enda er veiran mjög skæð
á þeirra heimaslóðum. María
segist alin upp við bakstur og
móðir hennar sé sömuleiðis dugleg
að skreyta fyrir jólin. „Við reynum
yfirleitt að koma til Íslands um
jól en vorum heima í fyrra. Þá
keyptum við okkar fyrsta jólatré
og skreyttum fallega. Reyndar eru
Bandaríkjamenn óðir í jólaskreyt-
ingar og skreyta mikið. Íslenska
jólahefðin er öðruvísi og lengri.
Það er eiginlega bara einn frídagur
í Bandaríkjunum um jólin. Þeir
fá aðeins lengra frí á þakkar-
gjörðardaginn. Hér er meira um
fjölskyldusamverustundir,“ segir
hún. „Það eru engar sérstakar
hefðir á jólunum hjá foreldrum
mínum varðandi mat utan þess að
við fáum alltaf humar í forrétt. Á
undanförnum árum hefur aukist
að það sé villibráð á aðfangadag,
til dæmis hreindýr en mágur minn
er veiðimaður og hefur boðið upp
á það. Stundum höfum við haft
nautalund.“
Þegar María bakar skoðar hún
Jólabomba með fullt af nammi
María býr í Bandaríkjunum en
dvelur nú á Íslandi með fjölskyldu
sinni. Hún hefur mjög gaman af því
að baka tertur og er algjör snillingur
í skreytingum. FRÉTTABLAÐIÐ/ERNIR
Þessi kaka er ekkert smáræði. Full af gúmmelaði.
María Ólafsdóttir er alin upp við
bakstur og hefur mjög gaman
af því að baka tertur sem gleðja
augað. Þessi jólabomba sem
hún gefur hér uppskrift að er
eiginlega stútfull af gleði og
sætindum.
alls konar tertur á netinu og býr
síðan til sína eigin. „Hugmyndirnar
koma úr öllum áttum en alltaf með
smá tvisti frá mér sjálfri,“ segir hún.
„Ég reyni að betrumbæta og setja
eitthvað sem mér finnst gott í upp-
skriftirnar,“ segir hún.
María ætlar að nota tímann sem
hún dvelur hér á landi til að stunda
nám í Reykjavik Makeup. „Ég klára
skólann í febrúar og reikna með að
við snúum þá aftur heim. David er
að vinna sína vinnu héðan en vegna
sex tíma tímamismunar er vinnu-
tíminn frá 15–23 sem er ekki mjög
skemmtilegt,“ segir hún. „Á hans
vinnustað eru allir að vinna heima,
líkt og hér, svo staðsetningin skiptir
ekki miklu máli.“
En hér kemur bomban hennar
Maríu sem ætti ekki að svíkja neinn
sem elskar góðar tertur.
JÓLABOMBA
Þessi kaka er samansett af brún-
kökubotni og tveimur marengs-
botnum, tveimur lögum af sæl-
gætis-rjómafyllingu, kókosbollum,
jarðarberjum, bræddum þristum
og karamellum.
SÚKKULAÐIBOTN
Þetta er uppskrift fyrir tvo súkku-
laðibotna. Ég nota annan botninn í
kökuna og frysti hinn botninn.
3 eggjahvítur
180 g sykur

200 g sykur
100 g smjör (við stofuhita)
320 g hveiti
40 g kakó
1 ½ tsk. matarsódi
½ tsk. salt

3 stk. eggjarauður

2 ½ dl mjólk
1 tsk. vanilludropar
1 Stífþeytið eggjahvítur og sykur.
Setjið í aðra skál og geymið í kæli-
skáp.
2 Þeytið vel saman sykur og smjör.
Á meðan það er þeytt saman,
sigtið saman öll þurrefnin í skál.
3 Bætið eggjarauðunum út í, einni
í einu, í sykur/smjör blönduna og
skafið vel niður á milli.
4 Setjið vanilludropana út í mjólk-
ina. Bætið mjólkurblöndunni og
þurrefnunum út í til skiptis.
Bætið þeyttu eggjahvítu-
blöndunni varlega saman við með
sleikju.
Bakið í tveimur formum við 180
gráður í 25–28 mín.
MARENGSBOTN
Þetta er uppskrift fyrir tvo mar-
engsbotna.
4 eggjahvítur
200 g sykur
3 dl Rice Krispies
Stífþeytið eggjahvíturnar. Setjið
sykurinn saman við í nokkrum
skömmtum og þeytið vel.
Setjið Rice Krispies varlega
saman við með sleikju.
Notið sömu bökunarformin og
fyrir súkkulaðibotnana og teiknið
tvo hringi eftir þeim á bökunar-
pappír svo að botnarnir verði jafn
stórir.
Deilið marengsnum á hringina
og bakið við 150 gráður í 60 mín.
Slökkvið á ofninum og látið
botnana kólna inni í ofninum.
SÆLGÆTIS-
RJÓMAFYLLING
200 g þristur (ca 12 þristar)
½–¾ dl rjómi

250 g askja jarðarber
4 mars súkkulaðistykki (4 x 45 g)
1 poki Nóa Síríus Tromp kurl
1 poki Nóa Síríus Krisp kúlur
750 ml rjómi
1 pakki kókosbollur
1 Bræðið þrist og rjóma saman í
potti, kælið aðeins.
2 Skerið mars í litla bita og jarðar-
berin. Þeytið rjómann og blandið
öllu varlega saman við rjómann
nema kókosbollunum og bræddu
þristunum.
Skerið hverja kókosbollu í 4 bita,
eða til helminga ef notaðar eru
minni kókosbollurnar.
SAMSETNING
Setjið annan marengsbotninn á
kökudisk og helminginn af rjóma-
fyllingunni ofan á marengsinn.
Ofan á rjómafyllinguna kemur
brúnkökubotninn. Dreifið bræddu
þristunum ofan á brúnkökubotn-
inn. Raðið kókosbollunum ofan
á bræddu þristana. Setjið hinn
helminginn af rjómablöndunni
ofan á kókosbollurnar. Að lokum
fer hinn marengsbotninn ofan á
rjómablönduna.
SKREYTING
150 g rjómakaramellur
¾ dl rjómi
Bræðið saman karamellurnar og
rjómann og kælið. Hellið kara-
mellubráðinni yfir kökuna.
Skreytið að vild, t.d. með jarðar-
berjum og/eða sælgæti.
Ég notaði kókos sem snjó og
skreytti með jólatrjám og jóla-
sveinum.
Súkkulaðijólatré
Bræðið 150 g suðusúkkulaði yfir
vatnsbaði. Teiknið jólatré á blað
og leggið bökunarpappír ofan á.
Gott er að setja tvöfalt límband
á milli svo að bökunarpappírinn
færist ekki til. Setjið súkkulaðið
í sprautupoka og sprautið á bök-
unarpappírinn og látið harðna í
kæli. Takið varlega af bökunar-
pappírnum og skreytið hliðarnar
á kökunni. Ég notaði brædda kara-
mellu til að festa trén á kökuna.
24. nóvember 2020 JÓL 2020 28 FRÉTTABLAÐIÐ