Fjölrit RALA - 10.05.1988, Blaðsíða 18

14
heitinu "Grazing Research at Northern Latitudes". Ritstjóri bókarinnar er Ólafur
Guðmundsson.
Albióðaráðstefna um uoperæðslu lands á norðurslóðum
Ráðstefna (Restoration and vegetation succession in circumpolar lands) var haldin
dagana 8.-14. september 1986 að Hótel Loftleiðum, Reykjavík, á vegum Alþjóða-
heimskautaráðsins (Comité Artique International), sem hefur aðsetur í Monaco. Hefur það
staðið fyrir allmörgum ráðstefnum er varða málefni þeirra svæða er liggja umhverfis
norðurskautið. í maí 1985 var t.d. haldin ráðstefna í Fairbanks, Alaska, um nýtingu
auðlinda norðurhafa og tók Sturla Friðriksson þar þátt í pallborðsumræðum um
umhverfismál.
Að þessu sinni var hér á fundinum rætt um uppgræðslu og endurbætur á landi og
strandsvæðum á norðlægum slóðum sem orðið hafa fyrir röskun af völdum náttúruafla eða
manna. Fundarstjóri var Sturla Friðriksson. Þátttakendur voru um 100 manns og voru 12
íslenskir höfundar erinda. Fyrir fundinn var gefinn út 28 siðna bæklingur með útdráttum
erinda. Annars birtast erindi frá fundinum í ritinu Arctic and Alpine Research, 19.
árgangi nr. 4. Það rit er gefið út af Coloradoháskóla í Boulder, Bandaríkjunum.
Albióðleg ráðstefna um nærinaarfræðileg áhrif matvælavinnsiu
Dagana 2.-4. september 1987 var haldin í Reykjavík alþjóðleg ráðstefna um áhrif
matvælavinnslu á næringargildi afurðanna (Nutritional Impact of Food Processing). í
tengslum við ráðstefnuna var haldin sýning á íslenskri matvælaframleiðslu og veittar voru
viðurkenningar fyrir bestu vörurnar. Að ráðstefnunni stóðu Rannsóknastofnun
landbúnaðarins, Kelloggstofnunin í Bandaríkjunum, Félag evrópskra næringarfræðinga
(Group of European Nutritionists), Háskóli íslands og Rannsóknastofnun fiskiðnaðarins.
Kelloggstofnunin veitti myndarlegan fjárstyrk til ráðstefnunnar og gerði hana þannig
mögulega. Var þetta síðasti liðurinn í viðamiklum stuðningi Kelloggstofnunarinnar til að
byggja upp rannsóknir og kennslu í matvælafræði á íslandi. Framkvæmdastjóri
ráðstefnunnar var Jón Óttar Ragnarsson.
Tilgangur ráðstefnunnar var að tengja saman matvælavinnslu annars vegar og
næringar- og heilsufræði hins vegar. Einnig gafst íslendingum kostur á að kynnast
nýjungum í matvælavinnslu og ísland var kynnt á sviði matvæla- og næringarfræði.
NÁMSKEIÐ
Dagana 25.-26. mars 1985 og 24.-25. mars 1986 voru haldin eiturefnanámskeið hjá
Rannsóknastofnun landbúnaðarins á Keldnaholti. Voru námskeiðin haldin í nafni
eiturefnanefndar.
Þann 30. nóvember 1987 var haldið eiturefnanámskeið fyrir garðyrkjumenn í
Borgarnesi. Auk Rannsóknastofnunar landbúnaðarins stóðu að námskeiðinu Garðyrkjuskóli
ríkisins, Rannsóknastofa Háskólans í lyfjafræði, Samband garðyrkjubænda, Sölufélag
garðyrkjumanna og Vinnueftirlit ríkisins.