Fjölrit RALA - 10.05.1988, Blaðsíða 98

94
Nánar má lesa um þessa tilraun í Garðyrkjufréttum nr. 145.
Tilraunir með íblöndun vikurs í mómold til þess að bæta eiginleika hennar voru
gerðar árin 1986 og 1987. Tilraunaplöntur voru þá eingöngu gúrkur. Tilraunin sem gerð var
1987 var mun marktækari og niðurstöður hennar voru þær að vikurblöndun með 15-50%
vikurmagni dregur úr vexti plantna miðað við að nota hreina mómold. Undantekning var þó
Laugarásmoldin en þar jókst vöxtur nokkuð. í þessari tilraun kom einnig í ljós að moldin
frá Hundastapa gaf jafngóðan árangur og finnska moldin. Til samanburðar var einnig notuð
sótthreinsuð mold úr gömlu gúrkuhúsi og reyndist hún langbest, gaf 52% meiri vöxt en
innflutta mómoldin.
í framhaldi af þessari tilraun var gerð tilraun með sótthreinsun nýrrar mómoldar frá
Laugarási og í ljós kom 31% betri vöxtur í henni en í ósótthreinsaðri mold. Ekki fundust
þó nein merki um sjúkdóma í ómeðhöndluðu moldinni. Skrifað verður um þessar tilraunir í
Garðyrkjufréttir á þessu ári (1988).
Plöntusiúkdómar, meindvr, illgresi
Grasmaurar (RL 416)
Bjarni E. Guðleifsson og Sigurgeir Ólafsson
Undanfarinn áratug hafa áttfætlumaurar (mítlar) við og við skemmt túngrös og valdið
uppskerutjóni. Hefur einkum borið á þessu á nyrðri helmingi landsins, en sumarið 1987
fréttist af skemmdum í Borgarfirði og í Skaftártungum. Er hér um tegundina Pentahaleus
major að ræða. Má reikna með að tegund þessi hafi verið hér lengi en fyrst t seinni tíð
notið þeirra skilyrða er þarf til verulegrar fjölgunar.
Hafnar eru rannsóknir á þessu meindýri. Tilraunir með eyðingu mauranna sýna að
efnasambönd sem innihalda permethrin eða deltamethrin gefa góða verkun gegn þeim og að
best er að úða strax og mauranna verður vart. Á þessu stigi er ekki hægt að fullyrða um
ávinning að slíkri úðun í uppskeruauka.
Eftirlit með innflutningi plantna
Sigurgeir Ólafsson
Eftirlitið hefur enn um sinn einskorðast við að tryggja að einungis séu fluttar til
iandsins plöntur er hafi viðhlítandi heilbrigðisvottorð. Einstakar sendingar voru skoðaðar en
vöruskoðun varð að halda í lágmarki. Unnið var við endurskoðun á reglugerð um innflutning
á plöntum og er reiknað með að ný reglugerð taki gildi 1988.
Hrinerot
Sigurgeir Ólafsson
Frá því að kartöflusjúkdómurinn hringrot (Corynebacterium sepedunicum) var fyrst
staðfestur í innlendum kartöflum í upphafi árs 1985 og þar til í árslok 1987 hefur
sjúkdómurinn fundist hjá 52 framleiðendum. Skiptast þeir eftir landshlutum sem hér segir
Árnessýslæ 15
Rangárvallasýsla: 30
V-Skaftafellssýsla: 2
A-Skaftafellssýsla: 4
S-Þingeyjarsýsla: 1