Fjölrit RALA - 10.05.1988, Blaðsíða 52
48
Heildarfjöldi mælinga sýnir að nokkuð færri sýni voru mæld á þessu þriggja ára
tímaþili en árin þrjú á undan, 1982-1984. Þau ár voru mælingar 9702 á móti 8630 1985-
1987. Með óbreyttum útbúnaði og aðferð og sama starfsliði er ekki hægt að reikna með að
þessum mælingum sé hægt að fjölga svo nokkru nemi.
Mælingar á meltanleika í dýrum (in vivo) hafa að mestu legið niðri en þó var lokið
við að mæla meltanleika 12 grastegunda og stofna. Þessi sýni eru notuð ásamt fleiri sýnum
úr in vivo mælingum til samanburðar og þróunar við aðrar aðferðir. Þá er brýnt að mæla
ný, heppileg staðalsýni in vivo til að nota í in vitro mælingar.
Vambaropsgripir og annar fénaður hefur verið hýstur á tilraunastöðinni á Korpu en
þessi aðstaða hefur verið á Korpu frá því stöðin tók til starfa þar. Hillir nú undir að
þessir gripir komist í nýtt húsnæði sem hefur verið í byggingu við hlið aðalbyggingarinnar
á Keldnaholti.
Innrauð mælitækni við fóðurefnagreininear
Tryggvi Elrfksson
Undanfarin ár hefur verið unnið að athugunum á notagildi NIRS (Near Infrared
Refectance Spectroscopy) til fóðurefnamælinga. Sótt hefur verið um fjármagn, m.a. til
Vísindasjóðs, til að vinna við þetta verkefni við erlendan háskóla sem hefur verið
framarlega á þessu sviði en úrlausn ekki fengist.
Þó hefur ein vinnu- og kynnisferð verið farin til USA, nánar tiltekið Pennsylvania
State University, en þar starfa leiðandi menn í þessum rannsóknum undir forystu John S.
Shenk prófessors.
Nokkur sýni af íslenskum uppruna voru mæld þar (ca 70 sýni) og gáfu niðurstöður
þar til kynna að prótein og meltanleika sé hægt að mæla án þess að breyta verulega
meðferð sýnanna nema þá helst þurrkuninni. Steinefni í þessum sýnum voru ekki mæld með
nægjanlegri nákvæmni en betri mölun og þurrkun gæti haft einhver áhrif þar á. Það sem
gefur þessari tækni mest gildi er hinn mikli hraði og afköst sem hægt er að ná.
Tæknin byggist á efna- og eðliseiginleikum þeirra sýna sem mæld eru. Numið er hve
mikið efnið endurkastar eða gleypir í sig á ákveðnu bylgjusviði. Allar mælingar taka mið af
"staðlakúrfu", það er fjölda mælinga sem gerðar hafa verið á rannsóknastofu með
hefðbundnum aðferðum. Fáist viðunandi fylgni milli NIR-boða og raunverulegra mælinga
tekur aðeins 1-2 mlnútur að mæla marga þætti samtímis.
Hevefnaereiningar fvrir bændur
Tryggvi Eiríksson
Engar teljandi breytingar hafa orðið á heyefnagreiningaþjónustu fyrir búnaðarsambönd
og bændur. Sýnafjöldi var svipaður og árin á undan. Þó eru alltaf nokkrar sveiflur milli
ára, bæði hve mörg sýni berast og einnig hvenær vetrar. Venjulega er stefnt að því að
ljúka þessari vinnu sem mest fyrir áramót hvert ár, enda hafa sýnin einhvern forgang
fram að þeim tíma.
Mælt er eins og áður þurrefni, meltanleiki, prótein og aðalsteinefnin (Ca, P, Mg, K
og Na). Einnig er mælt sýrustig í öllum votheyssýnum. Jafnan fer nokkur tími í að svara
fyrirspurnum og veita ýmsar upplýsingar varðandi efnagreiningar og fóðrun almennt.
Bundnar eru vonir við að þessi þjónusta verði auðveldari og skilvirkari ef hægt verður
að nota eingöngu NIR-tæknina (sjá framar) við þessar þjónustumælingar og ef til vill
tölvutengja þær beint til búnaðarsambandanna.