Fjölrit RALA - 10.05.1988, Blaðsíða 83
79
til þess að áhrif granna á vöxt smárans séu lítil enn sem komið er og jafnframt gefi
síðasttalda sláttutímameðferðin mesta uppskeru (39. tafla).
39. tafla. Heildaruppskera og uppskera hvítsmára, þe. hkg/ha, í blöndu með ýmsum
grasstofnum á Korpu 1987.
Svarðarnautur 1. slt. Gras + smári 2. slt. 3. slt. 1. slt. Smári 2. slt. 3.slt.
Hreinn smári 21,2 19,7 34,5 7,6 10,3 11,5
Lavang 31,7 35,9 48,1 12,4 16,8 17,7
Fylking 30,2 35,2 44,7 12,3 14,4 16,6
Leik 36,3 43,1 48,8 12,7 13,4 12,6
0305 33,0 34,7 41,2 13,8 12,0 16,2
Leikvin 33,4 33,6 56,8 11,6 11,8 13,0
Uppgræðsla vegkanta (RL 451)
Áslaug Helgadóttir og Sigurður H. Magnússon
Sumarið 1987 hófust tilraunir og athuganir á uppgræðslu vegkanta fyrir Vegagerð
ríkisins. Reiknað er með að þessar rannsóknir standi í 5 ár og er markmið þeirra tvíþætt.
1 fyrsta lagi að finna hentugar tegundir og stofna til að sá í vegkanta við mismunandi
aðstæður og í öðru lagi að athuga gróðurfar í misgömlum vegköntum til þess að afla
upplýsinga um árangur fyrri sáninga og þætti sem áhrif hafa á ástand og framvindu
gróðurs í vegköntum almennt.
Stofnaprófanir voru lagðar út á fjórum svæðum. Tilraunaliðir voru 11 talsins. Lögð
var áhersla á að prófa íslenskar tegundir og voru þær hafðar í blöndu, ýmist tvær eða
fleiri með eða án hvítsmára eða umfeðmings. Reynt var að velja stofna sem uppfylltu eitt
eða fleiri eftirfarandi skilyrða: endast vel, binda jarðveg vel, þola beit, vera ólystugir,
vera lágvaxnir og gefa litla uppskeru, þola áburðarskort, og vera jarðvegsbætandi.
Gróður í gömlum vegköntum var athugaður á tveimur svæðum, á Holtavörðuheiði og
öxnadalsheiði. Á hvorum stað voru þrjú athugunarsvæði á hæðarfallanda. Með því móti
ætti að vera unnt að kanna áhrif hæðar yfir sjó á endingu sáðgresisins og framvindu
gróðurs í vegköntunum. Þekja allra tegunda var metin í tilraunareitunum og auk þess var
gerður listi yfir tegundir nærliggjandi gróðurlenda. Áætlað er að þessar mælingar verði
endurteknar að fimm árum liðnum.
Kornkvnbætur oe ræktun (RL 1)
Jónatan Hermannsson
Þetta verkefni er tvískipt og hefur svo verið lengi. Annars vegar er leitað erlendra
afbrigða sem að gagni gætu komið hérlendis og þau borin saman í tilraunum. Hins vegar er
unnið að kynbótum byggs og aðlögun að íslenskum aðstæðum.
Enn sem komið er byggist kornrækt hér á erlendum afbrigðum. Veðurfar hér að sumri
til er einstakt á marga lund og illa gengur að finna afbrigði sem hæfa því. Sumarið er
nokkuð langt miðað við kornræktarhéruð í norðanverðri Skandinavíu og Finnlandi. Það er