Bændablaðið - 10.09.2020, Qupperneq 36

Bændablaðið | Fimmtudagur 10. september 202036
UTAN ÚR HEIMI
Umbúðirnar skeri sig úr fjöldanum
Rannsóknir sýna að neytendur
nota mjög lítinn tíma í að gera
upp hug sinn um þá vöru sem þeir
versla og því er gríðarlega mikil-
vægt að hugsanlegir viðskiptavinir
fái jákvæða upplifun af umbúðum
vara þegar þeir sjá þær fyrst. Hér
er því mikilvægt að styðjast við
skynjunar markaðssetningu til að
ná viðskiptavinum á sitt band.
Margir smáir og meðalstórir
matvælaframleiðendur bjóða
viðskiptavinum upp á að bragða á
vörum sínum og tala við viðskiptavini
til að ná góðu samtali við þá, hvort
sem er heima á hlaði eða á mörkuðum.
Margir upplifa að þeir nái í dygga
viðskiptavini á þennan hátt. Hjá
mörgum eykst framleiðslan í kjölfarið
og nýir útsölustaðir eru fundnir til
að ná inn nýjum viðskiptavinum.
Þá er mikilvægt að beita fyrir sig
skynjunarmarkaðssetningu. Það
fjallar um hvernig skynfæri okkar
eru örvuð og hvernig það hefur
áhrif á tilfinningu okkar eða hegðun
sem gerist jafnan ósjálfrátt og
hvernig hægt er að nýta þá kunnáttu
markvisst til að markaðssetja vöru
eða þjónustu.
Í stórum verslunum hafa
framleiðendur ekki sömu möguleika
eins og á svæðisbundnum mörkuðum
til að ná samtali við viðskiptavininn
og sjá hvernig þeir bregðast við og
því hafa umbúðir varanna oft og
tíðum úrslitaáhrif um val þeirra á
vörunni.
Umbúðir verða sýningarglugginn
Það er að mörgu að huga við góða og
grípandi hönnun umbúða sem þarf
jafnframt að innihalda upplýsingar
um framleiðanda, vöru og eigin­
leika hennar. Því er mikilvægt að
umbúð irnar sýni viðskiptavininum
að um er að ræða gæðavöru sem er
peninganna virði.
Rannsóknir sýna að neytendur
færa skynjun sína á umbúðum til
innihaldsins. Umbúðirnar verða
að vera hagnýtar og í réttri stærð
fyrir innihaldið. Ef umbúðirnar
eru óhagkvæmar eru allar líkur á
að neytandinn verði pirraður á því
og gangi framhjá vörunni.
Mismunandi umbúðir veita ólíka
upplifun hjá notendum vörunnar.
Þannig fær fólk þá tilfinningu
að vörur í glerílátum hafi meiri
gæði heldur en í plastumbúðum
og notkun á litum eru merki um
mismunandi þætti. Dökkir litir,
eins og blátt og svart, tengir fólk
til dæmis við meiri gæði en aðrir
litir. Það sama á við um mattan
og þykkan pappa sem er meiri
gæðastimpill í hugum fólks heldur
en glansandi þynnri útgáfa af sömu
umbúðum.
Samband við viðskiptavininn
Það er mikilvægt fyrir fram­
leiðendur að skera sig úr í fjöld­
anum og þar er ekki nóg að hafa
fína hönnun því mikilvægt er að
vera trúverðugur í samskiptum. Á
umbúðunum verður því að miðla
upplýsingum til að byggja upp
samband við viðskiptavininn. Þá
er mikilvægt að hafa spurningar
í huga eins og; af hverju eiga
nýir viðskiptavinir að kaupa vör­
una mína? Hvað er það sem gerir
vörurnar mínar einstakar? Með
þessu óskar framleiðandinn eftir að
skapa traust og góða heildarskynjun
á vörunni og framleiðandanum. Hér
eru því margir þættir mikilvægir,
eins og tegund umbúða, val á efni,
texti, stærð, gerð leturs, hönnun,
litir og merki vörunnar.
/ehg – landbruksnytt.no
Rannsóknir sýna að neytendur færa skynjun sína á umbúðum til innihalds-
ins. Umbúðirnar verða að vera hagnýtar og í réttri stærð fyrir innihaldið. Ef
umbúðirnar eru óhagkvæmar eru allar líkur á að neytandinn verði pirraður
á því og gangi framhjá vörunni. Mynd / Food Engineering
Tré ársins 2020 var útnefnt við
hátíðlega athöfn laugardaginn 29.
ágúst og er um að ræða gráreyni
(Sorbus hybrida) að Skógum í
Þorskafirði og er það í fyrsta sinn
sem gráreynitré er útnefnt sem
Tré ársins. Upphaflega var haldið
að tréð væri silfurreynir (Sorbus
intermedia), en nánari skoðun
sérfræðinga Skógræktarinnar við
athöfnina leiddi í ljós að um grá-
reyni var að ræða.
Athöfnin hófst á ávarpi
Jónatans Garðarssonar, formanns
Skógræktarfélags Íslands. Sagði hann
stuttlega frá trénu, sem vaxið hefur
við óblíð veðurskilyrði en þrifist samt
– bognað en ekki brotnað. Er tréð því
með mikinn karakter. Næstur tók til
máls Halldór Þorgeirsson, fulltrúi
þjóðarráðs Baháʼí-samfélagsins
á Íslandi. Sagði hann frá upphafi
ræktunar á Skógum og ræktunarstarfi
Baháʼí-samfélagsins þar, en vilji er
fyrir því að opna skóginn frekar til
heimsókna, til að njóta kyrrðar til
íhugunar og efla tengsl við náttúruna.
Því næst afhenti Hafberg Þórisson
frá Gróðrarstöðinni Lambhaga,
sem er styrktaraðili Tré ársins
verkefnisins, heiðurskjal og tók
Böðvar Jónsson við því fyrir hönd
þeirra sjálfboðaliða sem unnið hafa
að skógrækt á Skógum. Afhjúpuðu
Böðvar og Hafberg því næst skilti
sem markar tréð.
Skógræktaruppeldisstöð Jochums
M. Eggertssonar
Í erindi Halldór Þorgeirssonar kom
m.a. fram að það hafi verið hug­
sjónamaðurinn og brau tryðjandinn
Jochum M. Eggertsson sem hafði
komið þarna upp litlu gerði sem hann
lýsti 1953 sem „skógræktaruppeld­
isstöð“.
Jochum hafði farið utan og
leitað sér menntunar í Danmörku.
Þar nam hann mjólkurfræði og náði
valdi á krefjandi ostagerð, meðal
annars Roquefort blámygluosti úr
sauðamjólk. Á námsárunum hafði
hann einnig komist í snertingu við
annað skógarumhverfi.
Hann var í tengslum við fremstu
fagmenn þess tíma í skógrækt og leit­
aði sér þekkingar hvar sem hana var
að finna. Nægir þar að nefna frum­
kvöðla á borð við Hákon Bjarnason
skógræktarstjóra, sem einnig hafði
stundað nám í Danmörku, og fyrsta
íslenska landslagsarkitektinn, Jón H.
Björnsson, sem stofnaði gróðrarstöð­
ina Alaska 1953.
Jochum dáði föðurbróður sinn,
Matthías Jochumsson, sem, eins og
margir vita, fæddist í Skógum og var
Jochum kominn á þrítugsaldurinn
þegar Matthías kvaddi. Nú í
nóvember verður öld liðin frá andláti
hans.
Ljóst er af ljóðum og skráðum
hugleiðingum Matthíasar að hann var
tengdur staðnum tilfinningaböndum.
Hann fylgdist vel með skóglendinu
og var hryggur yfir hnignun þess á
hans lífstíð.
Jochum gekk ekki alltaf vel að
rækta tengsl við nágranna og sam­
tímamenn. Hann gat verið dómharður
og fór sínar eigin leiðir. Þar var hann
sjálfum sér verstur. Hann var fyrst og
fremst knúinn áfram af hugsjón eins
og trén sem standa að Skógum bera
glöggt vitni um.
Í snertingu við boðun Bahá’u’lláh
Jochum komst í snertingu við boðun
Bahá’u’lláh á fyrstu árum trúarinnar
hér á landi og var meðal fyrstu ba­
há’ía. Hjá honum vaknaði sú von að
það samfélag hefði skilning á tilgangi
ræktunarstarfsins og myndi taka við
kyndlinum.
Jochum lést 1966, sextán árum
eftir að hann hófst hér handa. Í
erfðaskrá ánafnaði hann Bahá’í­
samfélaginu Skógajörðina og
lýsti þeim vilja sínum að „haldið
verði áfram byrjunarverki mínu og
ræktunarstarfsemi í Skógalandi“.
Árið 1981 hófst bahá’í­samfélagið
fyrir alvöru handa við umhirðu þess
skógar sem fyrir var og við frekari
skógrækt. Í fyrstu var unnið út frá
skóginum sem Jochum hafði lagt
grunn að en svo færðist áherslan
sunnar í landið.
Samstarf við Skjólskóga
markaði þáttaskil
Halldór sagði að það hafi markað
þáttaskil þegar samstarf við
Skjólskóga komst á 2005. Þá hafi
Arnlín Óladóttir skógfræðingur
komið til liðs við þau og samstarfið
við hana hafi verið gjöfult og farsælt.
Hún vann einnig fyrstu kerfisbundnu
skógarúttektirnar.
„Sunnan við gamla bæjarstæðið
hafa verið friðaðir 86 ha innan skóg­
ræktargirðingar. Á síðasta ári var geng­
ið frá samningi við Skógræktina til 40
ára sem byggir á eldri samningi frá
2005 við Skjólskóga. Við höfum einnig
gengið til samstarfs við Landgræðsluna
undir merkjum Bændur græða landið,
sem felur í sér áburðargjöf og sáningu
í lítt gróið land.“
Allt unnið í sjálfboðavinnu
Sagði Halldór að þetta starf hafi
allt verið unnið í sjálfboðavinnu og
fjölmargir komið þar að verki.
„Hingað hafa einnig komið börn
og unglingar, kynnst ræktunarstarfinu
og orðið vitni að árangrinum.
Ég vil nefna tvö nöfn að þessu
tilefni. Björg Karlsdóttir var hér
staðarhaldari meðan hún starfaði
sem leikskólakennari á Reykhólum.
Af öðrum ólöstuðum þá hefur
Böðvar Jónsson lyfjafræðingur lyft
hér grettistaki. Böðvar mun taka við
viðurkenningarskjalinu fyrir hönd
allra þeirra sem hér hafa lagt hönd
á plóg. Við viljum einnig þakka
þeim fjölmörgu sveitungum okkar
sem veitt hafa ómetanlega aðstoð
í gegnum tíðina,“ sagði Halldór
Þorgeirsson. /HKr.
Tré ársins 2020 er gráreynir að Skógum í Þorskafirði
Tré ársins 2020 að Skógum í Þorskafirði. Mynd / Inga Daníelsdóttir
Böðvar Jónsson lyfjafræðingur tók
við viðurkenningarskjali fyrir tré
ársins 2020. Mynd / Halldór Þorgeirsson
Halldór Þorgeirsson flutti ávarp sem fulltrúi þjóðarráðs Baháʼí-samfélagsins
á Íslandi. Mynd / Inga Daníelsdóttir
SKÓGRÆKT&LANDGRÆÐSLA