Gerðir kirkjuþings - 2019, Qupperneq 53

53
12. mál 2019
Flutt af biskupi Íslands
Starfsreglur um breyting á starfsreglum
um skipulag kirkjunnar í héraði nr. 1026/2007, með síðari breytingum
1. gr.
Eftirfarandi breytingar verða á 12. gr. starfsreglnanna:
Akureyrar- og Laugalandsprestaköll, Eyjafjarðar- og Þingeyjarprófastsdæmi, sameinist í
eitt prestakall, Akureyrar- og Laugalandsprestakall.
2. gr.
Starfsreglur þessar, sem settar eru með heimild í 50. gr., sbr. 59. gr. laga um stöðu, stjórn og
starfshætti þjóðkirkjunnar nr. 78/1997, með síðari breytingum, öðlast gildi við birtingu.
Greinargerð.
Í hinu nýja Akureyrar- og Laugalandsprestakalli þjóna sóknarprestur og tveir prestar.
Tekið verður tillit til vígslualdurs, menntunar, annarrar reynslu og jafnréttisáætlunar
kirkjunnar við mat á því hver verði sóknarprestur sameinaðs prestakalls. Gert er ráð fyrir
að afgreiða tillöguna á framhaldskirkjuþingi 2020.
Nefndarálit löggjafarnefndar
Löggjafanefnd hefur fjallað um málið.
Málið fjallar um tillögu biskupafundar um sameiningu Akureyrar- og Laugalands-
prestakalls í eitt prestakall, Akureyrar- og Laugalandsprestakall.
Biskupafundur sendi sóknarnefndum og prófasti tillöguna til kynningar 3. september 2019.
Umsagnir bárust frá almennum safnaðarfundum allra sókna í Laugalandsprestakalli,
sóknarnefnd Saurbæjarsóknar og safnaðarfundi Akureyrarsóknar sem haldinn var á árinu
2018 en þá var tillaga biskupafundar kynnt fyrst. Ekki bárust umsagnir eftir að tillagan var
kynnt aftur á árinu 2019.
Fram kemur í fundargerð biskupafundar frá 9. október 2019 að í hinu nýja prestakalli
muni þjóna sóknarprestur og tveir prestar.
Í bréfi frá prófasti Eyjafjarðar- og Þingeyjarprófastsdæmis dags. 20. september sl.
kemur fram að góð sátt sé nú um sameiningu prestakallanna meðal sóknarnefnda beggja
prestakalla. Bréf þetta er fylgiskjal með nefndarálitinu.
Nefndin bendir á mikilvægi þess að tekið verði tillit til vígslualdurs, menntunar og
annarrar reynslu svo og jafnréttisáætlunar kirkjunnar við mat á því hver verði sóknarprestur
sameinaðs prestakalls. Gert er ráð fyrir að sameining öðlist gildi 1. október 2020.
Löggjafarnefnd leggur til að tillagan verði samþykkt.
Stefán Magnússon sat hjá við afgreiðslu málsins.