Gerðir kirkjuþings - 2019, Síða 71

71
23. mál 2019
Flutt af Axel Árnasyni Njarðvík og Svönu Helen Björnsdóttur
Þingsályktun um orkuskipti í samgöngum á vegum starfsfólks kirkjunnar
Kirkjuþing ályktar að þjóðkirkjan, kirkjustjórn, prestar og sóknir stígi skref til orkuskipta
í samgöngum.
Kirkjuþing ályktar enn fremur að starfshópur á vegum kirkjuráðs greini þær leiðir sem
færar eru og kirkjuráð geri tillögu fyrir kirkjuþing 2020 hvernig orkuskiptum verði náð.
Síðan verði innleidd ný skipan á samgöngum alls starfsfólks kirkjunnar í kjölfarið og verði
þeim skiptum lokið eigi síðar en 2030.
Kirkjuráði verði falið að koma upp, við fasteignir kirkjunnar, rafmagnstenglum eða
hleðslustöðvum til að hlaða bíla gegn gjaldi árið 2020.
Greinargerð.
Eins og málum er háttað í dag þá eru orkuskipti í samgöngum brýnt málefni. Hvernig
þessi orkuskipti gætu farið fram þarf að greina og koma með tillögu þar um. Þjóðkirkjan
gæti haft tekjur af gjaldskyldum hleðslustöðvum við kirkjur og safnaðarheimili víða um
land því þessi húsakynni er oft vel í sveit sett. Það er þegar komin þörf á því að starfsfólkið
geti hlaðið bíla við starfsstöðvar.
Kostnaður:
Starfshópur 500.000 kr.
Tenglar og hleðslustöðvar 2020 1.500.000 kr.
Nefndarálit allsherjarnefndar
Allsherjarnefnd hefur fjallað um málið.
Nefndin telur mikilvægt að orkuskipti fari fram og að kirkjan sé til fyrirmyndar og sýni
frumkvæði í þeim málum.
Gerð verði raunsæ útfærsla á því hvernig staðið verði að orkuskiptum af hálfu
þjóðkirkjunnar.
Nefndin leggur til að málinu verði vísað til kirkjuráðs.