Gerðir kirkjuþings - 2019, Síða 72

72 73
24. mál 2019
Flutt Axel Árnasyni Njarðvík og Svönu Helen Björnsdóttur
Þingsályktun um að lýsa beri viðbragðsástandi í loftslagsmálum
Kirkjuþing ályktar að stjórnvöldum beri að lýsa viðbragðsástandi vegna stöðunnar í
loftslagsmálum á heimsvísu til að flýta fyrir innleiðingu þeirra róttæku aðgerða sem þörf
er á til að stemma stigu við hlýnun andrúmslofts jarðar. Einnig er ríkisstjórn Íslands hvött
til að aðgerðir í loftslagsmálum verði magnbundnar og tímasettar.
Kostnaður.
Enginn beinn kostnaður er samfara þessari yfirlýsingu annar en siðferðileg skuldbinding
til raunhæfra en róttækra aðgerða og málsvörn fyrir umhverfi og náttúru.
Greinargerð.
Hér er tekið undir með ályktun prestastefnu 2019, svo og ýmsum samtökum og stjórn-
völdum (s.s. Landvernd, breska þinginu o.fl.) þar sem stjórnvöld eru hvött til að lýsa yfir
neyðarástandi. Á hinn bóginn er það talið farsælla hér að tala um viðbragðsástand en ekki
neyðarástand. Viðbragðsástand hvetur stjórnvöld, samtök og einstaklinga til raunhæfra
aðgerða í loftslagsmálum og að halda vöku sinni frammi fyrir aðsteðjandi vá. Á hinn
bóginn hafa sérfræðingar í loftslagsmálum varað við of sterkri orðnotkun, sbr. orðið
„neyðarástand“, en það getur fætt af sér lamandi kvíða og hræðslu frekar en að hvetja til
aðgerða byggða á skynsamlegri von auk heldur sem slík orðnotkun kann að réttlæta a.m.k.
í sumum löndum að gripið verði til aðgerða sem samrýmast ekki lýðræði og réttarríki.
Nefndarálit allsherjarnefndar
Allsherjarnefnd hefur fjallað um málið og leggur til að kirkjuþing samþykki málið óbreytt.