Gerðir kirkjuþings - 2019, Page 88

88 89
og hins vegar prestssetursjörðin Möðruvellir í Hörgárdal. Íbúafjöldi í Dalvíkurprestakalli
er um 2.800 manns og því umfram hin almennu viðmið sem gengið er út frá í stefnu
kirkjuþings.
Einnig má líta til þess að Möðruvellir eru í 29 km. fjarlægð frá Akureyri, þar sem
um 19.000 manns búa. Þykir því ekki þörf á að leggja til prestssetur, hvorki á Dalvík né
Möðruvöllum. Möðruvellir eru merkur kirkju- og sögustaður og er lagt til að kirkjan haldi
staðnum áfram í eigu sinni. Megnið af jörðinni hefur verið leigt Landbúnaðarháskóla
Íslands og er engin ástæða til að breyta því. Leigja má íbúðarhús jarðarinnar út á almennum
markaði.
Núverandi umráðamaður prestsbústaðarins á Dalvík var skipaður árið 1997 og rennur
því skipunartími út árið 2022.
Núverandi umráðamaður prestssetursjarðarinnar Möðruvalla var skipaður árið 2014
og rennur því skipunartími út árið 2024.
Laugalandsprestakall.
Prestssetur Laugalandsprestakalls er Syðra-Laugaland, þ.e. íbúðarhús ásamt lóð. Jörðin
er að öðru leyti í umsjá kirkjumálasjóðs. Hlunnindi jarðarinnar eru einkum heitt vatn og
renna nú tekjur vegna sölu þess til kirkjumálasjóðs. Syðra-Laugaland er í 11 km. fjarlægð
frá Akureyri, þar sem um 19.000 manns búa. Þykir ekki þörf á að leggja til prestssetur
þar. Lagt er til að kirkjan haldi Syðra-Laugalandi áfram í eigu sinni og leigi eignina út á
almennum markaði. Núverandi umráðamaður prestsbústaðarins á Syðra- Laugalandi er
settur tímabundið til loka maímánaðar 2020 og fellur þá afnota- og umráðaréttur hans
niður af fasteigninni.
Nefndarálit fjárhagsnefndar
Nefndin hefur fjallað um málið og leggur til að það verði samþykkt með breytingartillögu
á þskj. 63.
Breytingartillaga fjárhagsnefndar við tillögu að starfsreglum um breytingu á starfsreglum
um skipulag kirkjunnar í héraði nr. 1027/2007, með síðari breytingum
Skylda til að leggja til prestssetur í neðangreindu prestakalli falli ekki brott:
Vestfjarðaprófastsdæmi.
Holtsprestakall.