Gerðir kirkjuþings - 2019, Side 94

94 95
39. mál 2019
Flutt af kirkjuráði
Þingsályktun um breytingu á fasteignastefnu þjóðkirkjunnar
19. gr. fasteignastefnunnar orðast svo:
Fasteignir kirkjumálasjóðs, sem seldar eru eða leigðar ótímabundið eða til lengri tíma
en fimm ára, skulu auglýstar til sölu eða leigu og öllum gefinn kostur á að bjóða í þær.
Kirkjuþing getur samþykkt undantekningar frá þessu í einstökum tilvikum. Þess skal
ávallt gætt að tryggja viðhlítandi landsréttindi kirkna og kirkjugarða ef við á, áður en sala
eða leiga fer fram.
Greinargerð
Mismunandi reglur gilda um sölu eigna kirkjumálasjóðs annars vegar og leigu eigna
sjóðsins hins vegar. Í 19. gr. fasteignastefnunnar kemur fram að ef selja eigi fasteignir
kirkjumálasjóðs skuli þær auglýstar til sölu og öllum gefinn kostur á að bjóða í þær.
Varðandi leigu á fasteignum sjóðsins gilda ekki sömu reglur. Því þykir nauðsyn að leggja
til ofangreinda breytingu á 19. gr. stefnunnar á þann veg að samræmi sé á milli, þannig að
einnig sé almennt skylt að auglýsa eignir sem leigðar eru til að gæta jafnræðis og gagnsæis,
sbr. 5. gr. stefnunnar, þar sem segir að við umsýslu fasteigna skuli unnið á grundvelli
stjórnsýslulaga og góðra stjórnsýsluhátta. Eðlilegt þykir því að gefa öllum kost á að leigja
land sem er til leigu og reyna þannig að hámarka tekjur af því.
Nefndarálit löggjafarnefndar
Nefndin hefur fjallað um málið og leggur til að það verði samþykkt óbreytt.