Strandapósturinn - 01.06.1980, Síða 53

Svembjöm Valgeirsson
frá Norðurfirði:
Minnisstæð
sjóferð
Faðir minn stundaði oft róðra með búskapnum og bætti það
mjög vel afkomu heimilisins. Sumarið 1920 vildi svo til að salt-
laust varð í versluninni á Norðurfirði og fékkst ekki salt nema úti
á Gjögri. Gamli maðurinn undi því illa að vera saltlaus og geta
ekki róið þess vegna því hann átti beitu.
Einn morgun vekur hann okkur stráka sína til að beita
nokkrar lóðir, ekki var nú beysinn mannskapurinn sem hann
hafði til róðranna, en það voru Albert 18 ára, Guðmundur 15 ára
og Sveinbjörn 14 ára. Með þennan mannskap reri hann út á
Gjögursmið, um 3 klst. róður, þar lagði hann línuna á miði því er
heitir Múlar. Þegar búið var að leggja línuna var komið fast að
hádegi, eftir hæfilega legu var línan dregin og var svo góður afli
að báturinn mátti heita drekkhlaðinn, að því búnu var róið inn á
Gjögur og er þangað kom var farið að líða að kvöldi. Þá var eftir
að gera að aflanum, pabbi flatti fiskinn, Albert hausaði, en ég
vaskaði upp, Guðinundur leit eftir fiskinum að hann flæddi ekki,
en við vorum við þetta frammi á flúðum en aðfall var. Guð-
mundur heltist fljótt úr lestinni því hann var lasinn, var veik-
byggður fyrir og þoldi ekki svona erfiði svo hann fékk að leggja
sig og þá vorum við þrír eftir, svo þetta var ekki búið fyrr en kl. 7
51