Strandapósturinn - 01.06.1980, Blaðsíða 91

var eftir að hún kom til sögunnar. Enda var það algengt á þeim
árum að bændur fluttu nægilega mikla nauðsynjavöru heim í
einu handa heimili sínu árlangt. Oft bar þó á því að meiningar-
munur var um tilhögun og starfshætti hins unga félags. Þótti
sumum geist farið af stað, er mestallar vörur voru teknar að láni
frá vordögum til áramóta og þar á ofan komið með tilhöggna
grind í hús (1902) og það sett upp í skyndi að heita mátti. Er sú
sögn höfð eftir manni sem var á stofnfundi félagsins að Guðjón
Guðlaugsson hafi staðið upp að afloknum fundi hampað fund-
arbókinni í hendinni og sagt: „Þetta er nú það eina sem félagið á,
ef það getur þá heitið svo.“ Munu örðugleikar félagsins hafa
verið nokkrir fyrst eftir bygginguna. Rekstursfé fékkst ekkert, en
lán var tekið í Landsbankanum að upphæð kr. 8.000.00 og
skrifaði stjórn og fleiri áhugamenn upp á það sem ábyrgðar-
menn.
Komst þá á kreik eftirfarandi staka:
Húsið heitir hiynjandi,
hjá þjóðvegi standandi.
Það var byggt í bráðrœði
bæði í skuld og ráðleysi.
Guðmundur Bjarnason Scheving læknir sem byrjaði búsetu á
Hólmavík árið eftir kvað um kaupfélagið í léttari tón:
Söludeildin rokna rík
reisir hallir stórar.
Herleg verður Hólmavík
með hóndlanimar fjórar.
Þykir nútíðarmönnum sennilega hann hafa orðið sannspár,
því talsvert hefur kaupfélagið byggt á Hólmavík frá fyrsta og í
marga byggingu í héraðinu útvegað efni.
7. Eldsvoðinn 1931, erfiðleikaár, uþpbygging
Eins og áður er drepið á varð félagið fyrir eldsvoða aðfaranótt
89
L