Strandapósturinn - 01.06.1980, Qupperneq 94

mætti félags- og samvinnusamtaka af skornum skammti, sem
vonlegt var.
Nú er sú breyting orðin, að margur nytsamur félagsskapur
hefur risið upp og dafnað, víðast byggð steinsteypt íbúðar- og
útihús og mun kaupfélagið hafa útvegað efni í þau flest, tún girt
og slétt, sími á hverjum bæ. Bílar kaupfélagsins flytja nú vörur á
alla bæi í fjóra hreppa á verzlunarsvæðinu og von um að bíla-
samband komist á við nyrsta hreppinn bráðlega. Hafskipa-
bryggja byggð á Hólmavík 1936 og sá kaupfélagið um útvegun á
öllu efni til hennar. Fleira mætti nefna, er kaupfélagið hefur
stutt að, að í framkvæmd kæmist.
Eftirmáli
í kafla 6 hér að framan kemur fram að allar heimildir um
stofnun og störf Kaupfélags Steingrímsfjarðar fyrstu þrjá ára-
tugina töpuðust í eldsvoðanum 18. september 1931.
Stjórnendur félagsins fengu því árið 1949 er það stóð á fimm-
tugu, þá Sigvalda á Sandnesi og Magnús í Hólum er einna best
þálifandi manna þekktu sögu félagsins frá upphafi til að skrá
ágrip af aðdraganda og stofnun þess.
Framanskráðir þættir eru afrakstur þessarar viðleitni og voru
þeir upphaflega hugsaðir sem uppistaða í sögu félagsins, sem
síðar yrði skráð og bera þeir þess greinileg merki að ýmsu leyti.
Ekki þótti þó rétt við birtingu þessa ágrips nú að gera neinar
breytingar á handritinu aðrar en þær að skjóta inn kaflafyrir-
sögnum. Orðalag og setningaskipan er því að heita má eins og
höfundar gengu frá því. Einnig þótti rétt að birta þættina í heild
sinni óstytta, þó auðvitað hefði mátt fella niður ýmislegt að
skaðlausu fyrir birtingu á þessum vettvangi.
Þess skal þó getið, að síðasta kaflanum í handriti þeirra Sig-
valda og Magnúsar sem fjallar um „ástæður og framtíðarhorf-
ur“ er sleppt hér, enda á hann lítið erindi nú og á þessum stað.
Búið hafa til prentunar:
Jónatan Benediktsson og
Svavar Jónatansson.
92