Bændablaðið - 24.02.2022, Blaðsíða 64

Bændablaðið | Fimmtudagur 24. febrúar 202264
MATARKRÓKURINN
LÍF&LYST – BÆRINN OKKAR
Margrét Jónsdóttir frá Syðra-
Velli og Þorsteinn Ágústsson
frá Brúnastöðum hófu búskap
á Syðra-Velli vorið 1982, en þá
komu aftur kýr á bæinn eftir
nokkurt hlé.
Þau tóku við jörðinni af foreldr-
um Margrétar, en hún er fjórði ætt-
liður sem situr jörðina.
Býli: Syðri-Völlur.
Staðsett í sveit: Í Gaulverja-
bæjarhreppi hinum forna, nú
Flóahreppi.
Ábúendur: Margrét Jónsdóttir
og Þorsteinn Ágústsson þar til í
desember 2019 þegar hann féll frá.
Fjölskyldustærð (og gæludýra):
Guðbjörg Anna, f. 1984, látin
1994, Ingveldur, f. 1994, vefstjóri
Ullarverslunarinnar í Gömlu
Þingborg, búsett á Selfossi, Jón
Gunnþór, f. 1998, búfræðingur og
húsasmiður og starfsmaður búsins
og Ágúst, f. 2004, nemi í FSu á
málmiðnbraut.
Stærð jarðar? 162 hektarar. Auk
þess með á leigu 110 hektara á
næstu jörðum.
Gerð bús? Hefðbundið blandað bú.
Fjöldi búfjár og tegundir?
Tæplega 100 nautgripir, rúmlega
100 fjár og hrossastóð í haga.
Meindýraeyðirinn Brandur og
smalahundarnir Skotta og sonur
hennar Snati.
Hvernig gengur hefðbundinn
vinnudagur fyrir sig á bænum?
Mjaltir kvölds og morgna og gegn-
ingar þess á milli.
Fyrir hádegi fer Margrét í sína
aðra vinnu sem er Ullarverslunin
í Gömlu Þingborg þar sem hún er
verslunarstjóri.

Skemmtilegustu/leiðinlegustu
bústörfin? Heyskapur í góðri tíð
er eitthvað það skemmtilegasta.
Leiðinlegast er þegar lóga þarf
skepnum.
Hvernig sjáið þið búskapinn fyrir
ykkur á jörðinni eftir fimm ár?
Vonandi verður hann með svipuðu
sniði, en með aukinni mjólkurfram-
leiðslu.
Hvar teljið þið að helstu tæki-
færin séu í framleiðslu íslenskra
búvara? Til að nefna eitthvað, í
mjólk og mjólkurvörum.
Hvað er alltaf til í ísskápnum?
Smjör og ostur, skyr og rjómi.
Hver er vinsælasti maturinn á
heimilinu? Fólkið er alætur og
finnst allur matur góður. Kannski
stendur þó grillað hrossakjöt upp úr.
Eftirminnilegasta atvikið við
bústörfin? Þegar það kom aftur
sauðfé á bæinn haustið 2008, eftir
riðuniðurskurð 2006.
Indverskur grænmetisréttur (Dal Karry Samosa)
Bragðmikið linsubauna (dal) karrí
er fyllingin fyrir samósu kodda
með stökku deigi. En það má líka
framreiða eitt og sér með hrís-
grjónum.

Dal Karry Samosa
Hráefni fyrir deigið:
(Hægt er að kaupa tilbúið vorrúlludeig til að
spara undirbúning).
› 1 bolli (130 g) hveiti
› 1/4 tsk. salt
› 2 matskeiðar jurtaolía, auk olíu til
steikingar
› Volgt vatn
Fyrir fyllinguna:
› 1 matskeið jurtaolía
› 1/4 bolli (30 grömm) gulur laukur,
smátt saxaður
› 1 hvítlauksgeiri, smátt saxaður eða
rifinn
› 1/2 tsk. ferskt engifer, smátt saxað
eða rifið
› 1/4 tsk. túrmerikduft
› 1/4 tsk. garam masala
› 1/2 tsk. malað kúmen (cumin)
› 1/4 bolli (50 g tómatar úr dós, tæmd
af vökva
› 11/2 bolli (115 g) kartöflur,
skrældar, skornar í teninga
› 1/4 bolli (50 g) linsubaunir
› 1 lárviðarlauf
› 1/2 tsk. salt eða eftir smekk
Aðferð fyrir deigið:
Bætið hveiti og salti í stóra
blöndunarskál, blandið saman.
Bætið við olíunni og smá vatni.
Blandið með gaffli þar til deigið fer
að festast saman, bætið við vatni, smá
í einu eftir þörfum. Notið hendurnar
til að búa til bolta. Flytjið deigkúluna
yfir á hveitistráð yfirborð og hnoðið
þar til slétt, um það bil 1 mínútu.
Deigið ætti ekki að vera klístrað eða
þurrt. Hyljið vel með plastfilmu og
setjið til hliðar í 30 mínútur.
Aðferð fyrir fyllingu:
Bætið olíunni á pönnu yfir meðalhita.
Þegar olían er orðin heit, bætið
lauknum við og eldið í nokkrar
mínútur þar til hann byrjar að mýkjast.
Bætið hvítlauk við, engifer, túrmerik,
garam masala og kúmeni.
Hrærið og eldið í mínútu til að elda
kryddin. Bætið tómötum, kartöflum,
linsubaunum og lárviðarlaufi saman
við, blandið vel saman. Bætið við
3/4 bollum af vatni,
hrærið. Lokið að
hluta og látið malla
í um 20 mínútur
þar til kartöflurnar
eru orðnar meyrar
og sósan þykknað
og enginn vökvi er
lengur. Slökkvið
á hitanum. Notið
gaffal til að stappa
kartöflurnar og hluta
af linsubaununum en
skiljið hluta þeirra eftir
heilar. Bætið salti við.
(Athugið: Salti
er aldrei bætt við
linsubaunir áður en
þær eru eldaðar því
þær munu taka lengri
tíma í eldun).
Skiptið deiginu í 4
jafna hluta. Rúllið
hverju þeirra í kúlu.
Takið 1 kúlu (breiðið
yfir afganginn svo þær
þorni ekki með rökum
klút) og rúllið út í 15
senti metra hring.
Ekki ætti að vera þörf á að nota hveiti
fyrir þetta. Skerið hringinn í tvennt.
Takið annan helminginn og gerið
keilu með því að taka tvo enda
skurðarhliðarinnar og brjóta þá
inn í miðju. Bleytið brúnirnar með
vatni með fingrinum og þrýstið
brúnunum vel saman og passið
að þær séu vel lokaðar. Ekki vera
smeyk við að vinna deigið og móta.
Ef það klúðast, endurmótið deigið
og byrjið aftur.
Fyllið með matskeið af
linsubaunablöndunni. Bleytið
deigbrúnina og klípið vel saman
til að þétta og brjótið snúninginn á
sig til að klára þríhyrningsformið.
Endurtakið þar til allir samosa
koddarnir er tilbúnir.
Hitið 2 bolla af olíu á pönnu með
háum hliðum í 170 gráður. Steikið
samosakoddana þar til þeir eru
gullinbrúnir, um 4-5 mínútur.
Snúið við og endurtakið. Þerrið á
pappírshandklæði.
Rjómalagt pasta með
stökku salami
Þetta er afbrigði af pasta carbonara,
oft er hráefni í það til eldhúsinu!
Hægt er að nota afgangsost og
beikonið virkar auðvitað líka sem
er meira hefðbundið. Því er auðvelt
að gera þennan fljótlegan rétt.
› 3 egg
› 1 bolli rifinn parmesan ostur
› 4 sneiðar salami
› Ólífuolía
› 3 pressuð hvítlauksrif
› 3/4 skammtar spaghetti pasta
› Salt og pipar
› Steinselja til skrauts (má sleppa)
Aðferð
Þeytið saman egg og parmesan í
stórri skál. Skerið salami í ræmur.
Hitið pönnu yfir miðlungsháan
hita með ólífuolíu. Eldið salamí
og hvítlauk þar til kryddpylsan er
stökk. Elda spaghetti samkvæmt
leiðbeiningum á pakka, áður en
pastað er sigtað skaltu geyma
1 bolla af pastavatninu. Bætið
heitu pasta við eggjablönduna
ásamt hvítlauk og helmingnum
af salami kryddpylsunni. Blandið
saman, bætið við pastavatni til að
hjúpa pastað í rjómakennda sósu.
Kryddið með salti og pipar ef þarf.
Berið fram toppað með steinselju
og afganginum af salami til skrauts.
Bjarni Gunnar Kristinsson
Matreiðslumeistari
bjarnigk@gmail.com
Syðri-Völlur