Milli mála - 2021, Page 10
Milli mála 13/2021 9
Frá ritstjórum
Stofnun Vigdísar Finnbogadóttur í erlendum tungumálum hefur
gefið út Milli mála – tímarit um erlend tungumál og menningu frá
árinu 2009. Tímaritið hefur hingað til komið út árlega og því er
heftið, sem hér birtist, það þrettánda í röðinni. Frá og með næsta ári
bætist við þemabundið sérhefti að hausti auk hins almenna vetrar-
heftis. Birna Arnbjörnsdóttir ritstýrir fyrsta sérheftinu sem ber yfir-
skriftina Nýjar rannsóknir í annarsmálsfræðum og fjöltyngi á Íslandi.
Tekið er við greinum til 20. febrúar 2022. Milli mála er í opnum
vefaðgangi (millimala.hi.is) og þar birtast ritrýndar fræðigreinar á
sviði erlendra tungumála, bókmennta, málvísinda, málakennslu og
þýðingafræði. Aukinheldur er hefð fyrir birtingu bókmenntaþýðinga,
einkum þýðinga smásagna og styttri ritverka. Að þessu sinni birtum
við átta ritrýndar greinar um máltækni og málakennslu, orðasambönd
og málnotkun og um bókmenntir.
Þrjár greinar fjalla að þessu sinni um málakennslu. Birna
Arnbjörnsdóttir skrifar um notkun stafrænnar tækni í kennslu ís-
lensku sem annars máls; Þórhildur Oddsdóttir, Brynhildur Anna
Ragnarsdóttir, Vár í Ólavsstovu, Eeva-Liisa Nyqvist og Bergþóra
Kristjánsdóttir birta grein um kennslu dönsku og sænsku sem annars
máls; og Núria Frías Jiménez og Carmen Quintana Cocolina skrifa
um spænskukennslu á háskólastigi.
Í grein Birnu er fjallað um þá möguleika sem felast í tölvu-
tengdri tungumálakennslu. Þar fer Birna yfir sögu og þróun náms-
kerfisins Icelandic Online en rúmlega hundrað þúsund notendur
hafa lokið að minnsta kosti einu námskeiði í kerfinu og mun fleiri
notendur hafa heimsótt og notað vefinn. Í grein sinni „Når klodsen
falder på plads: Ordforrådet, indholdet og kulturen i teksten – el-
evernes reaktioner“ fjalla þær Þórhildur, Brynhildur, Vár, Eeva-
Liisa og Bergþóra um val á textum í kennslu norðurlandamála. Hér
er byggt á rannsókn á lesskilningi nemenda sem lærðu dönsku sem
annað mál í grunnskólum á Íslandi, Grænlandi og í Færeyjum,