Milli mála - 2021, Page 32
Milli mála 13/2021 31
Úrvinnsla úr gögnum úr rakningarkerfinu um hegðun 43.000
nemenda í IOL frá 2010–2018 leiddi í ljós áhugaverðar niðurstöður
um brottfall þvert á þrjú mismunandi námsframboð, þ.e. stýrt
sjálfsnám, sjálfsnám með aðstoðarkennara og blandað fjar- og stað-
nám. Auk þess að kalla eftir breytingum á hvernig brottfall er
mælt, eins og lýst var í upphafi greinarinnar, sýndi rakningarkerfið
skýra „brottfallstoppa“ á ákveðnum stöðum í námskeiðunum, m.a.
við lok söguþráða og fyrir eða eftir verkefni. Þessar niðurstöður
leiddu til frekari kannana Kolbrúnar á því hvort tengja mætti
brottfall eða dvöl í námskeiði innihaldinu, s.s. söguþræði og til-
teknum námsviðföngum.34
Rafrænu rakningunni var því fylgt eftir með viðhorfskönnunum
meðal þeirra sem hættu í námskeiðum og þeirra sem eru taldir hafa
lokið þeim. Kolbrún sendi þeim nemendum sem sótt höfðu nám-
skeiðið IOL2 á árunum 2010–2018 könnun og áttu því skráða sögu
um námshegðun í rakningarkerfinu. Svör 400 nemenda víða að úr
heiminum fengust. Meðalaldur þeirra reyndist vera 39 ár og 74%
eru með háskólagráðu.35 Hér verður örlítið fjallað um svör þeirra við
spurningum um áhrif námsefnis og framsetningu þess á hvatann til
að halda sig við námið en flestir nemendanna töldu að námsefnið
hefði haft jákvæð áhrif og leitt til áframhaldandi þátttöku þeirra í
námskeiðunum. Spurt var sérstaklega hvort eftirfarandi einkenni
námskeiðanna hefðu haft áhrif á hvata svarenda til að halda áfram í
námskeiðinu: val námsefnis og almennt skipulag þess, skýr mark-
mið í upphafi námslota, fókus á form og lagskipt framsetning mál-
fræði, fjölbreytni námsviðfanga og söguþræðir.36
Um þrír fjórðu svarenda í könnunum sögðu að val og skipulag
námsefnisins hefðu haft jákvæð áhrif á hvata þeirra til námsins, eða
73,8% (n = 295), og 60% (n = 240) töldu framsetningu hafa
hjálpað þeim að fókusera á efnið í námskeiðinu. Þá sögðu 55% (n =
220) svarenda að skýr markmið í upphafi hefðu haft jákvæð áhrif á
hvatann til námsins og 77% þeirra 400 sem svöruðu sögðust frekar
kjósa að markmiðin væru sett fyrir þá en að setja sér markmið sjálfir.
Í framhaldi af því sögðust langflestir svarenda, eða tæp 85% (n =
34 Kolbrún Friðriksdóttir, „Significant determinants of student retention“.
35 Kolbrún Friðriksdóttir, „The effect of content-related and external factors“.
36 Kolbrún Friðriksdóttir, „Significant determinants of student retention“.
BIRNA ARNBJÖRNSDÓTTIR