Milli mála - 2021, Qupperneq 263

MILLI MÁLA
262 Milli mála 13/2021
konu hans eða einhverjum kvenmanni úr þeirra röðum eða ambátt
ef hún var með honum. Þetta er siður þeirra. Þegar Rús höfðu ekki
lengur yfirhöndina tóku múslimarnir að opna grafir þeirra og sóttu
úr þeim allmörg sverð sem enn í dag eru mjög eftirsótt, enda afar
beitt og vönduð.
Mikið mannfall hafði orðið í liði Rús og að næturlagi yfirgáfu
þeir virkið þar sem þeir höfðu sett upp búðir og báru á bakinu allt
sem þeir gátu af þeim fjársjóði, gimsteinum og dýrum klæðum sem
þeir höfðu rænt og brenndu það sem þeir neyddust til að skilja
eftir. Þeir drógu á eftir sér það sem þeir gátu af kvenfólki, drengjum
og stúlkum og héldu í átt að ánni Kúr þar sem skip þeirra lágu til-
búin með áhöfn og þrjú hundruð Rús-mönnum sem þeir höfðu
haldið uppi með hluta af herfangi sínu. Þeir fóru um borð og sigldu
í burtu og Guð bjargaði múslimunum frá þeim!
Ég heyrði stórfenglegar sögur af þessum Rús-mönnum frá fólki
sem hafði orðið vitni að bardagafærni þeirra og hversu þeir litu
niður á sveitir múslimanna sem hugðust berjast gegn þeim. Þekkt
saga á svæðinu, sem ég hef heyrt frá mörgum, segir af fimm Rús-
mönnum sem voru saman komnir í garði einum í Barda ásamt
nokkrum konum sem þeir höfðu tekið til fanga. Einn þeirra, skegg-
laus ungur maður og ljós yfirlitum, var sonur eins af leiðtogum
þeirra. Þegar múslimarnir komust að því hvar þeir voru niður-
komnir umkringdu þeir garðinn og stór hópur Dailamíta og ann-
arra sveita fylktu liði til að berjast gegn þeim. Þeir reyndu allt hvað
þeir gátu að taka einhvern þeirra til fanga en án árangurs því að
enginn þeirra vildi gefast upp og ekki tókst að koma höggi á þá fyrr
en þeir höfðu drepið mörgum sinnum fleiri múslima en þeir voru
sjálfir. Skegglausi ungi maðurinn var sá eini sem lifði áhlaupið af.
Þegar hann gerði sér grein fyrir að hann myndi verða tekinn til
fanga klifraði hann upp í tré eitt og margstakk sig með sverði þar
til hann féll dauður niður.
Þórir Jónsson Hraundal þýddi úr arabísku
UMSÁTUR VÍKINGA Í BARDA ÁRIÐ 943
10.33112/millimala.13.11