Milli mála - 2021, Page 281
280 Milli mála 13/2021
og friðsamur maður, heimamaður hér um slóðir, og dyggur þegn
konungsins, Guð blessi hann!“
Nú braust út mikil háreysti meðal nærstaddra – „Konungssinni!
Konungssinni! Njósnari! Flóttamaður! Flæmum hann burt! Burt
með hann!“ Maðurinn með hattinn, sem tók sig svo hátíðlega,
þurfti að hafa mikið fyrir því að stilla til friðar á ný; og þegar hann
hafði gerst tíu sinnum brúnaþyngri spurði hann kauða aftur í hvaða
erindagjörðum hann væri og að hverjum hann leitaði. Veslings
maðurinn fullvissaði hann í allri auðmýkt um að hann hefði ekkert
illt í hyggju, heldur hefði hann einungis ætlað að finna nokkra af
nágrönnum sínum sem höfðu vanið komur sínar á krána.
„Ja – hverjir eru það? – nefndu þá.“
Rip hugsaði sig um sem snöggvast og spurði: „Hvar er Nicholas
Vedder?“
Það varð stundarþögn en svo svaraði gamall maður veiklulegum
og hásum rómi: „Nicholas Vedder! Ja, það eru átján ár síðan hann
gaf upp öndina! Það var trékross á leiðinu hans þar sem stóð allt um
hann en hann er fúnaður og farinn líka.“
„Hvar er Brom Dutcher?“
„O, hann gekk í herinn í stríðsbyrjun; sumir segja að hann hafi
fallið í árásinni á Steinhöfða – aðrir segja að hann hafi drukknað í
glundroðanum við rætur fjallsins Antonsnef. Ég veit það ekki – við
sáum hann aldrei aftur.“
„Hvar er Van Bummer, skólastjórinn?“
„Hann fór líka í stríðið, varð mikill herforingi í þjóðvarðliðinu
og situr núna á þingi.“
Hjartað sökk í Rip við að heyra af þessum dapurlegu breytingum
á heimahögum hans og vinahópi og við að verða svona einn í heim-
inum. Sérhvert svar var honum líka ráðgáta vegna þess hvað það
vitnaði um mikla tímaeyðu, jafnt og mál sem hann áttaði sig ekki
á: stríð – þing – Steinhöfða – hann hafði ekki kjark til að spyrjast
fyrir um fleiri vini heldur hrópaði upp í örvæntingu: „Kannast
enginn við Rip Van Winkle?“
„Ó, Rip Van Winkle!“ hrópuðu tveir eða þrír upp. „Jú, svo
sannarlega! Þetta er Rip Van Winkle þarna fyrir handan, hallandi
sér upp að tré.“
Rip leit þangað og sá nákvæma eftirlíkingu af sjálfum sér þar
RIP VAN WINKLE
10.33112/millimala.13.13