Morgunblaðið - 25.11.2022, Blaðsíða 84

Í lausasölu 822 kr.
Áskrift 8.880 kr. Helgaráskrift 5.550 kr.
PDF á mbl.is 7.730 kr. iPad-áskrift 7.730 kr.
Sími 569 1100
Ritstjórn ritstjorn@mbl.is Auglýsingar augl@mbl.is
Áskrift askrift@mbl.is mbl.is netfrett@mbl.is
FÖSTUDAGUR 25. NÓVEMBER 329. DAGUR ÁRSINS 2022
MENNING
Sigur Rós lýkur tónleikaferðalagi
sínu í Laugardalshöll í kvöld
Hljómsveitin Sigur Rós endar umfangsmikla tón-
leikaferð sína um heiminn með tónleikum í kvöld í
Laugardalshöll. Tónleikaferðalagið er það fyrsta í fimm
ár hjá hljómsveitinni og hefur hún komið fram í Norð-
ur-Ameríku, Asíu og Evrópu. Tónleikarnir verða sendir
út í beinu streymi á Veeps og munu strengjakvar-
tettinn Amiina og hljómsveitin Brassgat í bala koma
fram með Sigur Rós. Miðasala á tónleikana fer fram á
vefnum Tix.is og er orðið uppselt í stúku.
ÍÞRÓTTIR
Stórsigrar Stjörnunnar og
Tindastóls í úrvalsdeildinni
Stjarnan og Tindastóll unnu stórsigra í úrvalsdeild
karla í körfuknattleik í gærkvöld þegar þau fengu lið
Grindavíkur og Breiðabliks í heimsókn. ÍR vann sigur á
Þór frá Þorlákshöfn í hörkuleik í Breiðholtinu og náði
sér í dýrmæt stig í botnbaráttunni. » 67
10%
AF ÖLLUM
VÖRUM
25%
AF VANDYCK
& BRINKHOUSE
MJÚKVÖRU
30-50%
AF VÖLDUM
VÖRUM
50%
AF ÖLLU
Í OUTLETI
SVARTUR
FÖSTUDAGUR
ÚT NÓVEMBER
ALLT FYRIR GÓÐAN SVEFN
OG BETRI HEILSU
WWW.SVEFNOGHEILSA.IS
Svefn heilsa&
Ingvar S. Jónsson hefur gjarnan
verið kallaður faðir körfuboltans
í Hafnarfirði. Jón Arnór og Pétur,
synir hans, eru báðir fyrrverandi
landsliðsmenn í körfu og hafa auk
þess getið sér gott orð sem þjálfar-
ar, eins og pabbinn. Synir þeirra,
Kári Jónsson og Hilmar Péturs-
son, voru í fyrsta skipti saman í
landsliðinu í vor og svo aftur fyrir
skömmu, þegar íslenska landsliðið
tók á móti landsliði Georgíu og lék
síðan á móti liði Úkraínu í Ríga í
Lettlandi í undankeppni HM 2023.
„Ég er stoltur af þessu,“ segir
Ingvar.
Einar Ólafsson, þjálfari ÍR, var
íþróttakennari í Langholtsskóla,
þegar Ingvar var í skólanum. „Þar
kynntist ég körfubolta og Einar
sáði fræjunum,“ rifjar Ingvar upp.
„Síðan var ég í körfu öll kvöld og
um helgar þegar ég var í Reyk-
holti í Borgarfirði, þar sem ég tók
landsprófið.“ Í Íþróttakennara-
skólanum á Laugarvatni hafi
karfa verið í hávegum höfð undir
leiðsögn Antons Bjarnasonar. Eftir
útskrift 1972 hafi hann byrjað að
spila með Haukum í Hafnarfirði
samfara íþróttakennslu og fljót-
lega bætt við sig þjálfun, sem hann
hafi sinnt í aldarfjórðung.
„Ég byrjaði að þjálfa fyrir al-
gjöra tilviljun,“ segir Ingvar. Hann
hafi verið á æfingu og í kjölfarið
hafi verið æfing hjá yngri strákum.
Þjálfarinn hafi ekki mætt og þar
sem enginn hafi fengið að fara inn
í salinn án þjálfara hafi strákarnir
beðið sig um að stjórna æfingunni.
„Ég gerði það og þar með var
þjálfaraferillinn kominn í gang.“
Margfaldur meistari
Ingvar sá um uppbygginguna hjá
Haukum. Lið hans varð Íslands-
meistari í minni-bolta 1974 og 4.
flokkur, undir hans stjórn, var
fyrsti Íslandsmeistari Hauka í
flokkakeppni, braut ísinn tímabilið
1975-76. Á hálfum öðrum áratug
urðu unglingaflokkar í Haukum
14 sinnum Íslandsmeistarar með
Ingvar sem þjálfara. Í þessum
liðum voru drengir sem áttu eftir
að vera í fremstu röð. „Þarna
voru meðal annars strákar eins og
Pálmar Sigurðsson, Kristján Ara-
son, sem valdi svo handboltann,
og Ívar Ásgrímsson auk annarra.
Strákarnir mínir þvældust með
pabba gamla og Jón Arnar varð
fljótlega stjarna, Kári er ekki
ósvipaður honum.“
Barnabörnin eru 12 og nánast
öll í körfubolta. „Eplið og eikin
eru vel við lýði,“ gantast Ingvar
með. Hann segir stundum hafa
verið krefjandi að þjálfa börnin
sín og sérstaklega hafi hann þurft
að gæta þess að hampa þeim
ekki of mikið. „Stundum liðu þau
fyrir það, en þetta er öðruvísi með
barnabörnin. Ég horfi á þau eins
oft og ég get, sé til dæmis alla leiki
hjá Hilmari í Þýskalandi á netinu,
og læt í mér heyra.“ Hann segist
benda Kára og Hilmari á ýmislegt
sem betur megi fara, en hann ráði
engu lengur, hættur að vinna og
þjálfa. „Kannski taka þeir tillit til
þess sem ég segi. Í það minnsta
taka þeir því ekki illa þegar ég
ræði við þá um boltann og ég er
endalaust stoltur af því að eiga tvo
stráka í landsliðinu.“
lIngvar S. Jónsson faðir körfuboltans íHafnarfirði
Afi tveggja í körfu-
boltalandsliðinu
Steinþór Guðbjartsson
steinthor@mbl.is
Morgunblaðið/Kristinn Magnússon
Í Laugardalshöll Kári Jónsson, Ingvar S. Jónsson og Hilmar Pétursson á landsliðsæfingu fyrir skömmu.