Víkurfréttir - 31.08.2022, Blaðsíða 8

Samkaup vann Spotify
Samkaup hlutu norræn verðlaun
á Blaze Awards í Osló um helgina
og hafði betur gegn þekktum fyrir-
tækjum á Norðurlöndum. Fyrir-
tækið var verðlaunað fyrir framlag
sitt til jafnréttismála. Norræna
jafnréttisverðlaunahátíðin Blaze
Awards 2022 fór fram í Osló síðast-
liðinn laugardag og urðu Samkaup
þar hlutskörpust í flokki samvirkni
(e. synergist) á norðurlöndunum.
Flokkurinn nær yfir fyrirtæki sem
hafa skuldbundið sig til að vinna að
bættu jafnrétti innan fyrirtækisins
og með þeim hætti haft áhrif út í
nærsamfélagið.
Samkaup voru fyrr í sumar valin
úr hópi fjögurra íslenskra fyrirtækja
og var það jafnréttisátakið Jafnrétti
fyrir alla – Samkaup alla leið sem
unnið var í samvinnu við Samtökin
´78, Þroskahjálp og Mirru fræðslu-
setur fyrir erlent starfsfólk, sem
tryggði Samkaup áfram í úrslit.
Samkaup öttu því kappi við önnur
öflug norræn fyrirtæki, sem einnig
höfðu borið sigur úr býtum í sínum
heimalöndum og voru það hið
sænska Spotify, Futurice frá Finn-
landi, Develop Diverse frá Danmörku
og Sopra Steria frá Noregi.
Norsku samtökin Diversify veittu
verðlaunin en meginmarkmið sam-
takanna er að hampa og varpa ljósi
á brautryðjendur, fyrirtæki og ein-
staklinga, sem skara fram úr og vinna
markvisst að því að stuðla að bættri
fjölbreytni, atvinnuþátttöku minni-
hlutahópa og jafnrétti almennt innan
fyrirtækja á norðurlöndunum.
„Við erum ákaflega stolt og þakklát
fyrir að hljóta þessa viðurkenningu.
Samkaup hafa sett sér háleit og
metnaðarfull markmið og við erum
bara rétt að byrja. Blaze verðlaunin
eru okkur mikilvæg hvatning á þeirri
vegferð sem við höfum verið á og
styrkja okkur enn frekar í að halda
áfram að vera leiðandi vinnustaður
þar sem unnið er markvisst gegn for-
dómum og hvers kyns mismunun,
sem svo skilar sér tvímælalaust út í
samfélagið okkar,” segir Gunnur Líf
Gunnarsdóttir, framkvæmdastjóri
mannauðs- og samskiptasviðs Sam-
kaupa.
Auk Samkaupa hlaut Charlotte Bi-
ering hjá Marel verðlaun á hátíðinni
en hún sigraði í flokki brautryðjanda
(e.The Trailblazer).
Verðlaunin eru þau þriðju sem
Samkaup hljóta á árinu á sviði
mannauðs- og jafnréttismála og ber
þar hæst að nefna Menntaverðlaun
atvinnulífsins en þar að auki var
Gunnur Líf valin millistjórnandi
ársins hjá Stjórnvísi.
Fyrsta skóflustunga að nýrri þvotta-
stöð Löðurs var tekin á Fitjum í vik-
unni. Þar mun Löður opna 27 metra
löng þvottagöng. Afkastageta þeirra
er um 60 bílar á klukkustund og
verða allir regnbogans litir á leiðinni
í gegnum stöðina svo um leið og
við bíllinn er þrifinn fær viðskipta-
vinurinn skemmtilega upplifun.
Bílar eru dregnir sjálfvirkt áfram í
gegnum stöðina en starfsmenn verða
á staðnum bæði til að forþvo bílana
og leiðbeina viðskiptavinum.
„Það er mikið tilhlökkunarefni að
opna nýja stöð í Reykjanesbæ og
þjónusta íbúa og aðra sem fara um
svæðið eins vel og kostur er. Það
er umhverfisvænna að þvo bílinn í
bílaþvottastöð þar sem eru olíu- og
sandskiljur sem taka við spilliefnum.
Þetta er mikilvægur þáttur þegar
verið er að nota ýmis efni til að þvo
bílinn svo þau fari ekki beint í grunn-
vatnið okkar,” segir Elísabet Jóns-
dóttir, framkvæmdastjóri Löðurs.
„Það er fagnaðarefni að fá öflugt
fyrirtæki eins og Löður til Reykja-
nesbæjar. Langstærstur hluti ferða-
manna sem koma til Íslands ár hvert
eiga hér upphafs og endapunkt og
því mikilvægt að hafa öfluga þvotta-
stöð til að þrífa bílaflotann eftir ferð
um landið. Þá verður þetta frábær
þjónusta fyrir bæjarbúa á öflugu
verslunar- og þjónustusvæði á
Fitjum,” segir Guðlaugur Helgi Sigur-
jónsson, Sviðsstjóri Umhverfissvið í
Reykjanesbæjar.
Áætlað er að þvottastöðin opni
í vetur en framkvæmdir eru þegar
hafnar af fullum krafti. Löður kapp-
kostar við að minnka kolefnisspor fé-
lagsins og er til dæmis allt plast sem
fellur til við reksturinn endurunnið
í samvinnu við Pure North.
Þrjú ný til Samkaupa
Þau Jón Tómas Rúnarsson, Kristín
Gunnarsdóttir og Sandra Björk
Bjarkadóttir hafa verið ráðin til
Samkaupa. Með ráðningunum eru
Samkaup að festa sig enn betur í
sessi sem leiðandi vinnustaður á
vettvangi mannauðs- og fyrirtækja-
menningar hér á landi.
Jón Tómas Rúnarsson gegnir
stöðu sérfræðings í gagnadrifnum
rekstri hjá Samkaupum. Hann er
rekstrarverkfræðingur að mennt
og er útskrifaður með B.Sc. frá Há-
skólanum í Reykjavík. Hann starfaði
áður hjá Verði, tryggingafélagi og þar
áður hjá Isavia.
Kristín Gunnarsdóttir tekur við
stöðu mannauðsfulltrúa Krambúð-
anna og Kjörbúðanna ásamt því að
hafa umsjón með og þróa áfram vel-
ferðarþjónustu Samkaupa. Kristín
er með M.Sc. gráðu í mannauðs-og
vinnusálfræði frá Háskólanum í
Reykjavík og B.Sc. í sálfræði frá Há-
skóla Íslands. Kristín starfaði áður
hjá Reykjavíkurborg, þar sem hún
stýrði Afleysingastofu og þróun
hennar.
Sandra Björk Bjarkadóttir hefur
hafið störf sem mannauðsfulltrúi
Nettó og Iceland, ásamt því að hafa
umsjón með jafnréttisstefnu Sam-
kaupa. Sandra er með BA gráðu í
mannfræði frá Háskóla Íslands og
leggur nú lokahönd á meistaranám
í mannauðsstjórnun frá sama skóla.
Sandra hefur unnið á mannauðssviði
hjá Samkaupum í eitt ár og tekur
nú við nýju hlutverki. Áður en hún
kom til Samkaupa starfaði hún hjá
Iceland Travel, síðast sem sölustjóri.
„Að styrkja mannauðsteymið enn
frekar með þeim Söndru og Kristínu,
gefur okkur öflugt tækifæri til að
sækja fram og styrkja samkeppnis-
forskot Samkaupa á vettvangi mann-
auðsmála og fyrirtækjamenningar.
Með aukinni tækni og flæði upplýs-
inga, þar sem við byggjum ákvarð-
anir á gögnum, er frábært að fá Jón
Tómas inn í nýtt teymi gagnadrifins
reksturs og viðskiptaþróunar, með
þekkingu sem nýtist Samkaupum
vel,” segir Gunnur Líf Gunnarsdóttir,
framkvæmdastjóri mannauðs - og
samskiptasviðs Samkaupa.
Hjá Samkaupum starfa yfir 1.300
manns í tæplega 700 stöðugildum.
Samkaup reka yfir 60 verslanir um
land allt og eru helstu verslanamerki
þeirra Nettó, Krambúðin, Kjörbúðin
og Iceland.
Þau Sædís Kristjánsdóttir, Ólöf Ragna Guðnadóttir og Sandra Björk Bjarkadóttir, hluti mannauðsteymisins,
Gunnur Líf Gunnarsdóttir, framkvæmdastjóri mannauðs-og samskiptasviðs, og Gunnar Egill Sigurðsson,
forstjóri Samkaupa, veittu verðlaununum viðtöku í Osló síðastliðinn laugardag.
Elísabet Jónsdóttir,
framkvæmdastjóri
Löðurs tók fyrstu
skóflustunguna undir
handleiðslu Viðars
Ellertssonar hjá
Ellerti Skúlasyni ehf.
LÖÐUR OPNAR ÞVOTTAGÖNG Á FITJUM
Guðlaugur Sigurjónsson, sviðsstjóri hjá Reykjanesbæ, Elísabet Jónsdóttir frá
Löður og Halldóra Þorvaldsdóttir, forseti bæjarstjórnar Reykjanesbæjar.
FIMMTUDAG KL. 19:30
HRINGBRAUT OG VF.IS
8 // vÍkurFrÉttir á suðurNEsJuM