Víkurfréttir - 31.08.2022, Blaðsíða 62

Freyr er smiður og tveggja barna
faðir. Hann flutti til Reykjanes-
bæjar fyrir nokkrum árum og líkar
vel. Í frítíma hans finnst honum fátt
skemmtilegra en að spila folf með
vinunum.
Hvers vegna byrjaðir þú að spila
folf?
„Ég byrjaði fyrir svona þremur
árum síðan, þá fór ég með félaga
mínum að prófa þetta og ég sá það
strax að ég væri með flott flug á
diskunum og þá kviknaði áhuginn
um leið. Ég sá það að ef ég myndi
æfa mig yrði ég ágætlega góður.
Eftir það byrjaði ég bara á fullu í
þessu.“
Hvað hefur þú tekið þátt í
mörgum mótum?
„Ég held ég hafi tekið samtals þátt
í fjórum mótum. Ég er að fara að
taka þátt í Ljósanæturmótinu núna
um helgina, ég hef áður tekið þátt
í því móti. Ég hef líka tekið þátt í
þriðjudagsdeildinni í Reykjavík, þau
standa svona helst upp úr.“
Hvert er markmiðið fyrir Ljósa-
næturmótið?
„Markmiðið er alltaf að reyna að
gera eins vel og maður getur, það
eru rosalega margir góðir sem koma
að spila á þessu móti.“
Hver er þinn styrkleiki í þessu
sporti?
„Ég myndi segja að mín sterkasta
hlið séu löngu köstin sem og styttri
köstin frá u.þ.b. 30 metrunum. Ég
þarf aðeins að æfa mig betur í pút-
ternum.“
Hvað er það skemmtilegasta við
folf?
„Aðallega þegar maður nær flottu
flugi á diskunum og nær að kasta
langt. Svo er rosalega gaman að
kíkja út með strákunum á kvöldin
og kasta. Mótin eru hrikalega
skemmtileg og útiveran alltaf góð.“
Hver er skemmtilegasti völlurinn
að þínu mati?
„Ég myndi segja völlurinn í
Njarðvík og völlurinn í Guð-
mundarlundi í Kópavogi. Völlurinn
hjá tjaldsvæðinu á Akureyri er líka
mjög skemmtilegur.“
Myndir þú segja að þetta væri
sport fyrir hvern sem er?
„Ég fer með börnin í þetta, ég fer
með vinunum og ég fer með for-
eldrum mínum og allir hafa mjög
gaman af þessu. Við vinirnir förum
að æfa okkur svona tvisvar til
þrisvar í viku og það er gaman að
segja frá því að tveir félagar mínir,
sem eru nýlega byrjaðir í þessu,
ætla líka að taka þátt í mótinu um
helgina.“
Hvaða ráð hefur þú fyrir einhvern
sem er að byrja í folfi?
„Það er mikilvægt að byrjendur í
folfi velji réttan disk. Því hver folfd-
iskur hefur sinn eiginleika og talna-
röðin á disknum gefur til kynna
hvernig og í hvaða átt diskurinn
flýgur. Ég mæli þess vegna með
því að byrjendur velji sér disk sem
flokkast undir „understable“ en það
eru diskar sem hafa mínus fyrir
framan þriðju töluna á disknum.“
Áttu einhverjar eftirminnileg
atvik frá folfhring?
„Það koma nokkur eftirminnileg
atvik upp í hugann. Eitt þeirra er
þegar ég spilaði einn minn besta
hring í Njarðvíkurskógi þar sem
ég fékk svo kallaðan fugl á fyrstu
tíu körfurnar og endaði hringinn á
-13. Annað eftirminnilegt atvik var
var þegar folfdiskurinn lenti upp í
tré og ég ætlaði að losa hann með
því að kasta öðrum disk í hann en
endaði með tvo fasta diska uppi í
tré og því var ekkert annað í stöð-
unni en að príla upp um fjóra metra
til að losa þá báða.“
Íþrótt sem allir
hafa gaman af
Thelma Hrund Hermannsdóttir
thelma@vf.is
Frisbígolf, eða folf, er
íþrótt sem hefur notið
mikilla vinsælda að
undanförnu. Folf fer fram
á svipaðan hátt og venju-
legt golf. Leikmenn notast
við svifdiska og reynt er
að ljúka hverri braut í sem
fæstum köstum. Freyr
Marínó Valgarðsson er
einn af þeim sem byrjuðu
að æfa folf á síðustu árum
en hann hefur tekið þátt
í fjórum mótum. Hann
segir íþróttina vera fyrir
fólk á öllum aldri. „Ég fer
með börnin í þetta, ég fer
með vinunum og ég fer
með foreldrum mínum og
allir hafa mjög gaman af
þessu,“ segir Freyr.
62 // vÍkurFrÉttir á suðurNEsJuM