Víkurfréttir - 31.08.2022, Blaðsíða 45

taka upp fyrir Keflavík TV. Ég mæti
á alla körfuboltaleiki, alla fótbolta-
leiki, er að taka upp, tromma eða bara
horfa á.“
Ertu á lyfjum við tourette eða ertu
farinn að stjórna þessu betur?
„Ég er á lyfjum og svo reyni ég líka
að passa mataræðið líka. Það kemur
fyrir að ég fæ mér sætindi en það
hefur mikil áhrif. Fólk man alveg
eftir mér hoppandi í hringi, þetta
eykst og minnkar. Eins og staðan
er núna þá er þetta bara fínt, ég er
farinn að ráða miklu betur við þetta.“
Ættleiddur frá Indlandi
Magnús Orri var ættleiddur frá Kal-
kútta á Indlandi þegar hann var um
sex mánaða gamall og hann segist
ekki getað hafa verið heppnari með
fjölskyldu.
„Ég hef verið að reyna að komast
að uppruna mínum en það hefur
ekki tekist enn. Það er eitthvað
nafn skrifað á blað sem við fáum
þegar barnið er ættleitt en svo getur
alltaf verið að það sé falsað. Þú veist,
mamman sem fæddi mig vill kannski
ekki að ég finni hana. Það er ekki
vitað, við höfum ekki farið lengra
með það. Það er gríðarleg fátækt
þarna og staða kvenna oft og tíðum
ekki góð – ég er kannski bara einn
af þessum heppnu og ég á yndislega
foreldra sem hugsa vel um mig.“
Magnús hefur nóg fyrir stafni en
auk þess að sinna áhugamálum og
vinnu hefur hann stofnað sitt
eigið fyrirtæki, MOA Produc-
tion.
„Ég er mikið að gera aug-
lýsingar fyrir alls konar fyrir-
tæki svo það er nauðsynlegt að
hafa fyrirtæki í kringum það.
Það er nóg að gera, ég er ein-
mitt að fara að gera auglýsingu
fyrir hann Issa fish & chips. Ég
er með mjög öfluga tölvu heima
þar sem ég vinna allt þetta efni.
Svo keppti ég á síðustu
Special Olympics í fimleikum.
Ég ætla ekki að keppa næst en
það gæti verið að ég fari með
sem fjölmiðlamaður. Þá fyrir
hönd Special Olympics á Íslandi
og mun taka upp innslög og pósta
á Instagram og Facebook og svoleiðs,
auglýsa leikana aðeins.“
Elskar flugelda
Aðspurður hvort hann eigi fleiri
áhugamál segir Magnús að hann
elski að fara á flugeldasýningar.
„Ég elska flugeldasýningar og
reyni á fara á eins margar og ég get.
Frá því að ég byrjaði í Björgunar-
sveitinni Ægi fyrir átta árum síðan
þá hef ég elskað flugelda. Ljósanótt,
Sandgerðisdagar, Jökulsárlón – ég fer
út um allt. Ég missi ekki af neinni
flugeldasýningu, var á Akureyri um
versló.“
Magnús sem er 21 árs kom út úr
skápnum sem samkynhneigður á
síðasta ári, við spurðum hann hvort
það það hafi verið eitthvað sem var
búið að velkjast fyrir honum lengi.
Var það erfitt skref að taka, að
koma út úr skápnum?
„Nei, kannski pínu. Það voru margir
farnir að spyrja mig út í þetta svo
ég ákvað bara að pósta status á Fa-
cebook og leyfa öllum að sjá. Þessi
status hefur vakið mesta athygli
síðan ég fékk Facebook.“
Þannig að þú vissi þetta alveg,
hafðir bara ekkert verið að aug-
lýsa það.
„Já, ég vissi það alveg. Ég hafði bara
ekki haft neina þörf fyrir að skil-
greina mig fram að því.“
Og hefurðu mætt góðum skilningi?
„Já, bara miklum skilningi og fengið
mörg skilaboð frá góðu fólki. Ég hef
ekki upplifað neitt slæmt í sambandi
við mína kynhneigð en ég er alltaf
viðbúinn því að það komi upp eitt-
hvað slíkt, þá þarf maður bara að
tækla það eins og allir aðrir. Ég er
mjög duglegur á mínum samskipta-
miðlum að vekja athygli og útskýra
hvað er tourette, hvað er einhverfa
– skrifa langa statusa þar sem ég
skýri hvernig það er svo fólk átti sig
á hvað ég er að glíma við andlega
og hvað aðrir geta verið að glíma
við það sama og ég. Þú veist, hvað
er svona erfitt við að koma út úr
skápnum? Hvernig er að vera með
einhverfu eða tourette? Ég skrifa
bara út frá mínu hjarta og fæ alltaf
góð viðbrögð. Það er alltaf gott að
vera hreinskilinn,“ segir Magnús Orri
sem hefur alltaf nóg fyrir stafni og
fellur ekki verk úr hendi – enda hefur
hann gaman af lífinu og lifir því svo
sannarlega lifandi.
Svona virkar þjónustan:
Samtalsmeðferð með lyfjafræðingi sem saman-
stendur af tveimur viðtölum í sérútbúnu viðtals-
rými. Viðtölin taka u.þ.b. 15 mínútur þar sem
farið er yfir eftirfarandi atriði:
: góðar venjur í lyfjameðferð
: helstu atriði tengd meðferðinni þinni
: tæknileg atriði tengd lyfjunum þínum og þeim vanda-
málum sem gætu komið upp í lyfjameðferð
Lyfjastoð samanstendur af tveimur viðtalstímum
með lyfjafræðingi. Viðtölin fara fram á fyrstu
vikunum eftir að þú hefur nýja lyfjameðferð.
Lyfjastoð á sérstaklega við þig ef þú
hefur nýlega hafið meðferð með:
: Blóðþrýstingslyfjum
: Blóðþynningarlyfjum/segavarnarlyfjum
: Blóðfitulækkandi lyfjum
Fáðu svar við spurningunum sem
þú hefur um nýju lyfin þín
Pantaðu viðtalstíma á
lyfjastod@reykjanesapotek.is
eða í síma 421-3393
Reykjanesapótek, Hólagötu 15, 260 Reykjanesbær
Sími: 421-3393 - lyfjastod@reykjanesapotek.is
Lyfjastoð
Reykjanesapótek
Ný lyfjameðferð
Hvað þarft þú að vita um lyfin þín?
Lyfið sjálft
Hvers vegna og hversu lengi á ég að taka lyfið?
Hversu langan tíma má ég gera ráð
fyrir að taki lyfið að byrja að virka?
Tæknileg atriði
Er erfitt að taka lyfið?
Skiptir einhverju máli hvenær ég tek lyfið?
Hvað geri ég ef ég gleymi að taka lyfið?
Óvenjulegar aðstæður
Hverjar eru þekktar aukaverkanir lyfsins og er
eitthvað sem ég get gert?
Er eitthvað sem ég þarf að hafa í huga, eins og
tengt mat, fæðubótarefnum eða öðrum lyfjum?
Lyfjastoð er fyrir þig ef þú ert að hefja nýja lyfjameðferð
Björgunarsveitarmaðurinn Magnús Orri elskar flugeldasýningar.
vÍkurFrÉttir á suðurNEsJuM // 45