Þingtíðindi Alþýðusambands Íslands ... - 29.11.1976, Síða 88

Þingið 'bendir á og lýsir yfir að fyrirbyggjandi aðgerðum gegn elds-
voðum í skipum sé mjög ábótavant. Telur þingið, að stóraukið álag
á rafala ýmissa skipa geti þar átt hlut að. Handslökkvitæki verði af
viðurkenndri gerð, og íslenskir leiðarvísar fylgi hverju tæki og
kennsla í meðferð slökkvitækja verði framkvæmd af kunnáttumönn-
um og verði fjölmiðlar notaðir til þeirra hluta.
Þá telur þingið vegna fenginnar reynslu grannþjóða okkar, að
nú beri að undangenginni vandlegri rannsókn, að kalla inn alla
gúmbjörgunarbáta, sem framleiddir eru fyrir árið 1960, vegna þeirra
tæknigalla, sem fram hafa á þeim komið.
Þingið telur, að stórauka þurfi Skipaeftirlit ríkisins og bendir enn
einu sinni á fyrri kröfur um, að eftirlitsmenn fari á milli staða og
framkvæmi skyndiskoðanir.
Þingið þakkar Slysavarnafélagi íslands fyrir framkvæmd tilkynn-
ingarskyldu skipa, og einnig verði Landsíma íslands falið að bæta
aðstöðu strandstöðva, og bendir sérstaklega á Breiðafjörð, sunan-
verða Vestfirði og svæðið fyrir Norð-Austurlandi.
33. þing ASÍ. Þingskjal nr. 81.
Ályktun um bráðabirgðalögin frá 6. september s.l.
um kaup og kjör sjómanna
33. þing ASÍ, haldið í Reykjavík dagana 29. nóv. til 3. des. 1976,
fordæmir harðlega bráðabirgðalögin frá 6. sept. sl. um kaup og kjör
sjómanna.
Þessi lög eru ómakleg og siðlaus árás pólitísks valds á sjómanna-
stéttina, án allra ástæðna, þar sem ekkert lá fyrir um vinnustöðvanir.
Sjómenn hafa sýnt það mikla hollustu að vinna án fastra samninga
í marga mánuði til að draga björg í þjóðarbúið og forða mörgum
sjávarplássum frá mjög alvarlegu ástandi, sem er atvinnuleysið, en
svarið við þessari þjóðarhollustu voru lögin, helgasti réttur hverrar
vinnustéttar er af þeim tekinn og kaup og kjör þeirra bundin með
lögum, öðrum deiluaðilum í vil.
Svona siðlaus valdníðsla vofir sem skuggi yfir öllum launþegum
þessa lands, því alltaf má endurtaka ósómann.
84