Úrval - 01.08.1946, Blaðsíða 2
Nýtt nautgripakyn.
Úr „Time“.
Kanadískir nautgriparæktend-
ur vildu fá nýtt nautgripakyn,
sem gæti þolaS frost og bylji hins
kanadíska veturs.
Tilraunastöð landbúnaðarins í
Wainwright i Albertafylki reyndi
að kynblanda hinn villta vísund
við ræktað nautgripakyn. Fyrst
voru leidd saman vísundanaut og
kú. Höfuð kálfsins og herðakamb-
ur urðu svo stór að kýrin drapst
við burðinn. Áframhaldandi til-
raunir á sömu braut leiddu í ljós,
að þrjár kýr af hverjum fjórum
drápust við burðinn. Þá voru
leidd saman vísundakvíga og naut.
Burðurinn gekk vel, en fyrstu
kynblendingamir reyndust ófrjó-
ir. Tilraununum var samt haldið
áfram og notuð naut af ýmsum
tegundum handa vísundakvíg-
um.
Það liðu tuttugu og fimm ár
áður en tókst að fá fram tegund,
sem ekki var ófrjó og hafði ekki
hinn fyrirferðarmikla herðakamb
vísundanna. En nú i vor mátti sjá
75 „cattalo“-kálfa á beit í sér-
stakri girðingu á tilraunastöðinni.
(Nafnið „cattalo" er myndað úr
ensku orðunum „cattle" sem þýð-
ir nautpeningur og „buffalo" sem
þýðir vísundur). Þessir kálfar þola
kulda, sem verða mundu bani
venjulegra nautgripa á skömmum
tíma.
Cattalokynið er ekki alið til
mjólkur, heldur eingöngu vegna
kjötsins, og er cattalonautið allt
að helmingi þyngra en venjulegt
naut. Cattalokjöt var i fyrsta
skipti í fyrra selt á opnum mark-
aði og gat enginn fundið mun á
því og venjulegu nautakjöti.
URVAL tímaritsgreina í samþjöppuðu formi.
Ritstjóri: Gísli Ölafsson, Leifsgötu 16. Afgreiðsla Tjarnargötu 4,
pósthólf 365, Reykjavík. Kemur út sex sinnum á ári. Verð kr. 8,50
hvert hefti. Utanáskrift tímaritsins er: Úrval, pósthólf 365, Reykjavík.
Sent til allra bóksala á landinu, og taka þeir við áskriftum. Einnig
sent gegn póstkröfu til áskrifenda, sem ekki búa í nágrenni bóksala.
ÚTGEFANDI: STEINDÖRSPRENT H.F.