Póllinn - maj 2023, Qupperneq 6

Það sem að þú þarft í uppskriftina:
Í botninn:
Tíma, u.þ.b. 2 klukkustundir (ath: þessi tími
er alltaf betur nýttur í lærdóm)
1 flaska af vodka (má skipta út fyrir aðra
sterka drykki)
200 gr hveiti
60 gr sykur
100 gr kalt smjör
Fínt rifinn sítrónubörkur af ½ sítrónu
1 vanillustöng
1 egg
Ávarp forseta
ELÍAS SNÆR ÖNNUSON TORFASON
Mér finnst almennt leiðinlegt að lesa ávörp frá öðrum þannig ég ákvað að gera mitt aðeins öðruvísi. Einnig er
ég viss um að ávarp Emblu ritstýru hafi verið nógu gott fyrir okkur bæði!
Ég hef ákveðið að nota frekar þessa opnu sem mér var úthlutað í að gefa ykkur uppskriftina að mínum
uppáhalds eftirrétti, sítrónutertu! Gjöriði svo vel kæru samnemendur og takk fyrir samveruna. Elska ykkur öll
<3

Sítrónuterta BA-nemans
Fyrst gerum við botninn, þar sem botninn er grunnurinn sem að tertan er byggð á og alltaf er gott að byrja á góðum
grunni. Eins og með námskeiðið Inngangur að stjórnmálafræði sem að hefur nýst okkur vel sem grunnur að öðrum
áföngum eða þetta obsession með Marx, Che Guevara eða jafnvel Jordan Peterson sem við höfðum í menntaskóla.
Þetta fannst okkur gera persónuleikann okkar áhugaverðan á þeim tíma! Þetta var kannski ástæðan fyrir að við
fylgdumst með stjórnmálum. Í mínu tilfelli var það Barack Obama AKA nettasti stjórnmálamaður fyrr og síðar. En
fyrirgefiði, ég var að útskýra hvernig þú gerir botnin að sítrónutertu!
Byrjaðu að rífa börkin af sítrónunni í stóra skál. Bættu svo bara restinni út í og hnoðaðu þar til að allt hefur blandast
vel saman. Pressaðu deigið í form og settu í ísskápinn í klukkutíma.
Það er á þessum tímapunkti sem að þú opnar vodka flöskuna og hellir í glas og reynir að gleyma því að Baldur er
með gestafyrirlestur í fyrramálið og þú veist ekkert um Evrópumál. Af hverju þarftu að vita eitthvað um Evrópu?
Hugsarðu og sturtar glasinu ofan i þig. Hvað ef við lokum bara landamærunum og verðum alveg sjálfbær? Hugsarðu
og fyllir glas númer tvö af vodka. Ég meina það væri gott fyrir mannréttindi, þá værum við ekki arðræna vinnuafl í
Indónesíu fyrir iphone-a og hraðtísku?! Þú færð þér annan sopa og ákveður að þú ætlir að taka þessar rökræður við
Baldur í tímanum í fyrramálið. Vodkinn er byrjaður að láta finna fyrir sér og þá tímabært að fara að gera fyllinguna
áður en það er um seinann. Þú tekur annan sopa beint úr flöskunni; „in for a penny, in for a pound“.
Nú skuulaum við ger fyllinguna!
Byrjaðua ad setjaa rjómannn i sk´al ohg svooo attu att þeyt-aaaa---
Í fyllinguna:
Fínt rifinn sítrónubörkur og safi úr 2 ½ sítrónu
4 stór egg
200 gr sykur
125 gr rjómi
4