Póllinn - May 2023, Page 22

Ásgerður Ólöf
Ásgeirsdóttir
Stjórnmálafræðingur á Hringborði Norðurslóða
Það hefur verið hefð hjá ritstjórn Politica að taka viðtal við útskrifaðan
stjórnmálafræðing og skyggnast inn í líf hans eftir útskrift. Í takt við þema
blaðsins í ár leituðumst við eftir að tala við stjórnmálafræðing á
alþjóðavettvangi. Ásgerður Ólöf Ásgeirsdóttir hefur fengið víðtæka
reynslu á alþjóðavettvangi þrátt fyrir ungan aldur en hún er aðeins 29 ára
gömul og starfar nú sem skrifstofustjóri hjá Hringborði Norðurslóða -
Arctic Circle.
Ásgerður hóf BA-nám sitt í stjórnmálafræði við
Háskóla Íslands árið 2016 þar sem hún tók
alþjóðalögfræði sem aukagrein. Í
stjórnmálafræðinni fann hún að hana langaði
meira að læra um alþjóðleg mannréttindi. Hún
segir aukagreinina hafa leitt hana út í
praktíkina sem lögfræðin bauð upp á og þurfti
þannig ekki að fara eins djúpt í kenningar
stjórnmálafræðinnar. Þar fékk hún einnig
mikinn áhuga á Evrópurétti og stefndi
áhugasviðið meira í átt að mannréttindareglum
tengdum ESB eða EFTA. Þess má geta að
Ásgerður var formaður Ungra Evrópusinna á
Ísland en hún var kosin inn óflokksbundin.
Ásgerður hvetur ungt fólk til að taka þátt í
félagasamtökum ef það finnur fyrir áhuga enda
er það mjög gefandi reynsla.

Hún útskrifaðist úr Háskóla Íslands árið 2019 og
lá þá leiðin til Parísar þar sem hún hóf
mastersnám í alþjóðlegri opinberri stefnumótun
(e. International Public Management) við einn
virtasta háskóla heims í stjórnmálafræðum;
Sciences Po. Þaðan útskrifaðist hún vorið 2021 í
miðjum covid-faraldri. Á meðan námi hennar
stóð byrjaði hún að starfa hjá
forsætisráðuneytinu í gegnum úrræði ríkisins í
covid-faraldrinum varðandi sumarstörf fyrir
námsmenn og var þar að vinna að því að innleiða
heimsmarkmið Sameinuðu þjóðanna. Með námi
stundaði Ásgerður starfsnám í Strassborg hjá
Evrópuráðinu og starfaði í stefnudeild
(Partnership NGOs). Þar var farið yfir hvernig
frjáls félagasamtök gátu hjálpað aðildarríkjunum
að fylgja mannréttindareglum Evrópuráðsins,
t.d. varðandi ólöglegar mannvistir. Hún var þar í
þrjá mánuði og naut tímans þar vel og hefði
viljað að vera lengur. Seinustu önnina í
mastersnáminu dvaldi hún hér á Íslandi. Eftir
útskrift lá leiðin í forsætisráðuneytið á ný þar
sem hún starfaði í 5 mánuði hjá
stefnumótunarskrifstofunni, og segir hún það
hafa verið lærdómsríkur tími og góð reynsla
fyrir framhaldið.
20