Póllinn - maj 2023, Side 57

„Að alast upp í fátækt er brot á réttindum barna og hefur afdrifaríkar afleiðingar á líf þeirra. Að uppræta
barnafátækt er því mikilvægt og þurfa stjórnvöld að gera áætlanir þar að lútandi.“
- Barnaheill
Núna þegar ég er í háskóla líður mér eins og öll séu í fjárhagslegum erfiðleikum en mörg hafa
stuðningskerfi af einhverju tagi. Mörg geta fengið fjárhagslega hjálp, flutt aftur inn til foreldra
sinna eða fengið hjálp með námið. Fátækir nemendur finna meiri ábyrgð að þurfa að vinna meira
til að lifa af, ekki til að spara pening. Ofan á það koma sömu ráðleggingar frá kennurum að
nemendur ættu að biðja um hjálp frá fjölskyldumeðlimum með námið. Ríkisstjórnin heldur
áfram að skerða fjárframlög til menntunnar og menntastofnanir neyðast að taka peninga frá
vösum nemenda. Þetta veldur því að fleiri nemendur neyðist til að hætta snemma og fá ekki
menntun. Þetta hefur sérstaklega mikil áhrif á fátæka nemendur. En aftur eru stjórnvöld að sýna
hversu lítið þau hugsa út í hvaða afleiðingar niðurskerðing á opinberri þjónustu mun hafa á
almenning og sérstaklega minnihlutahópa. Hvenær ætla þau að ráðast á raunverulega rót
vandans? Eða er planið að halda áfram að fylla hjörtu okkar með skammtíma loforðum um betri
framtíð.

Elísabet María Hákonardóttir
55