Gátt - 2010, Qupperneq 62

62
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
M E N N T A V E R K E F N I Ð N ý j A R L E I Ð I R á
H o R N A F I R Ð I
Í marsmánuði 2008 auglýsti menntamálaráðuneytið eftir styrkumsóknum til menntaverk­
efna sem væru til þess fallin að mæta afleiðingum samdráttar í fiskveiðum og fiskvinnslu á
landsbyggðinni. Framhaldsskólar og símenntunarstöðvar voru skilgreind sem samstarfsað­
ilar. Enn fremur var sérstök áhersla lögð á þróunarverkefni til lengri tíma í Vestmannaeyjum
og á Hornafirði í samstarfi við Impru á Nýsköpunarmiðstöð Íslands. Í þessari grein verður
verkefnið á Hornafirði kynnt. Framkvæmdin er í höndum verkefnahóps sem í sitja fulltrúar
frá Framhaldsskólanum í Austur­Skaftafellssýslu (FAS), Nýsköpunarmiðstöð á Höfn (NMÍ) og
Þekkingarneti Austurlands (ÞNA). Starfsmaður verkefnisins, sem nú hefur látið af störfum,
var frá NMÍ en í stýrihóp sitja, auk verkefnahóps: fulltrúar frá Afli – starfsgreinafélagi,
Skinney Þinganes, Smábátafélaginu Hrollaugi og Sveitarfélaginu Hornafirði. Verkefnið hlaut
nafnið Nýjar leiðir.
RAgNHILdUR jóNSdóTTIR
M A R K M I Ð
Stýrihópurinn ákvað í upphafi að leggja áherslu á tvennt:
1. Að gera skipulega athugun á skoðunum og þörfum
markhópsins fyrir nám og leiðir til að styrkja sig á vinnu-
markaði.
2. Að nýta, styrkja og þróa þau stoðkerfi sem til staðar eru
í sveitarfélaginu til að mæta þörfum markhópsins.
Markhópur Nýrra leiða var starfsfólk í fiskvinnslu, fiskveiðum
eða þjónustu við sjávarútveg, eldra en 18 ára, sem skipta
þurfti/vildi um starfsvettvang eða vildi auka möguleika sína í
núverandi starfsgrein. Íbúum sveitarfélagsins í öðrum starfs-
greinum var einnig boðið að taka þátt í verkefninu eftir því
sem við átti. Markmiðin voru:
Að auka atvinnumöguleika fólks sem, vegna aflasam-•
dráttar, hefur eða gæti misst atvinnu.
Að hvetja einstaklinga til að skapa sér sinn eigin starfs-•
vettvang og nýta til þess þau tækifæri sem hugsanlega
eru á svæðinu.
Að auka frumkvöðlahugsun íbúa.•
Að hvetja starfandi fyrirtæki og stofnanir til atvinnu-•
sköpunar.
Ragnhildur Jónsdóttir
K Y N N I N g o g Þ A R F A g R E I N I N g
Hjá Hagstofu Íslands var fengin greining á lýðfræði sveitar-
félagsins til að átta sig á hlutfalli þeirra sem starfa við
sjávarútveg og iðnað tengdum honum. Farið var í heimsóknir
í fyrirtæki í þessum greinum til að kynna verkefnið og ná
fram hugmyndum manna um hverjar væru helstu þarfir ein-
staklinga og fyrirtækjanna fyrir menntun. Í framhaldinu fór
náms- og starfsráðgjafi ÞNA á vinnustaði, bauð starfsfólki
upp á náms- og starfsráðgjafaviðtöl og kynnti námstilboð
og raunfærnimat í löggiltum iðngreinum við það tækifæri.
Niðurstöður úr náms- og starfsráðgjafaviðtölum voru á þann
veg að einstaklingar lýstu vilja til að styrkja stöðu sína með
frekari námi. Helstu óskir, sem fram komu um nám, voru
tölvunám, enska, sjálfsstyrking og íslenska fyrir útlendinga
svo og starfstengd námskeið sem ykju færni í viðkomandi
störfum. Tilgreindar hindranir í að sækja formlegt og óform-
legt nám voru m.a. skortur á sjálfstrausti, tíma, peningum og
orku. Annað sem tilgreint var sem hindrun voru námsörðug-
leikar, m.a. af völdum lesblindu og ADHD (athyglisbrestur
með ofvirkni).
F R A M K V Æ M d
a) Þekkingarnetið skipulagði fræðsludag um lesblindu
fullorðinna í október 2008. Á deginum höfðu 10
manns framsögu; sérfræðingar fjölluðu um orsakir og
birtingarmyndir lesblindu og stofnanir kynntu þjónustu
við lesblinda. Þeir sem framsögu höfðu voru m.a. frá