Gátt - 2010, Qupperneq 89

89
F U L L o R Ð I N S F R Æ Ð S L A o g S T A R F S M E N N T U N
g á T T – á R S R I T – 2 0 1 0
Innlifun•
Leiðbeinandi þarf að hafa raunsæjan skilning á mark-
miðum, sjónarhorni og væntingum námsmanna.
Kennslan þarf að mæta námsmönnum þar sem þeir eru
staddir með tilliti til reynslu og færni í viðfangsefninu.
Leiðbeinandi þarf að taka tillit til tilfinninga og sjónar-
miða námsmanna.
Eldmóður•
Eldmóður hefur mjög mikil áhrif á áhugahvöt nemenda.
Hann lýsir sér í áhrifamikilli tjáningu og djúpum áhuga
leiðbeinanda á viðfangsefninu.
Skýrleiki•
Kennslan er skipulögð þannig að allir nemendur geti
fylgst með og skilið. Með stoðtímum, fyrirspurnum,
einstaklingsleiðsögn og öðrum úrræðum er skapaður
farvegur fyrir nemendur svo allir nái að skilja það sem
hefur verið kennt.
Menningarleg næmni•
Leiðbeinandi skapar öruggt námsumhverfi sem allir
nemendur eru þátttakendur í og þar sem borin er virð-
ing fyrir hverjum einstaklingi. Viðfangsefni námsins er
tengt við reynslu og þekkingu nemenda og tekið mið af
fjölbreytilegum menningarbakgrunni þeirra.
L o K A o R Ð
Hér hefur verið sagt nokkuð frá hugmyndum Wlodkowskis
um námsáhuga fullorðinna og hvernig hægt er með skipu-
lögðum hætti að gera námsferli hvetjandi og árangursríkt
fyrir fullorðna námsmenn. Að mínu mati á bókin mikið erindi
til þeirra sem skipuleggja fræðslu og stunda leiðsögn fyrir
fullorðna hér á landi. Af henni er hægt að læra margt sem
getur gert nám og kennslu ánægjulegra og árangursríkara
fyrir alla.
H E I M I L d I R
Fræðslunet Suðurlands (2009). Afmælisrit og námsvísir. Sótt af www.fraedsl-
unet.is í nóvember 2009.
Svanfríður Inga Jónasdóttir. (2005). Námsáhugi fólks með litla formlega
menntun. Meistaraprófsverkefni lagt fram til fullnaðar M.Ed.-gráðu í
uppeldis- og menntunarfræði við Kennaraháskóla Íslands með áherslu á
stjórnun menntastofnana.
Vinnuhópur ráðuneytis Félags- og tryggingamála og Mennta- og menn-
ingarmála. (2009). Ungt fólk án atvinnu – virkni þess og menntun. Skýrsla
unnin fyrir félags- og tryggingamálaráðherra og mennta- og menningar-
málaráðherra. Reykjavík.
Wlodkowski, R. J. (2008). Enhancing Adult Motivation to Learn. A Comprehen-
sive Guide for Teaching All Adults (3 útgáfa). San Francisco: Jossey-Bass.
U M H Ö F U N d I N N
Helga Sigurjónsdóttir er sérfræðingur í Innri endurskoðun
Landsbankans. Hún hefur B.S. próf í tölvunarfræði og hefur
sótt fjölda námskeiða á sviði upplýsingatækni, gæða- og
verkefnastjórnunar. Árið 2009 stundaði hún framhaldsnám
við Menntavísindasvið HÍ á námsbrautinni Fræðslustarf með
fullorðnum og mannauðsþróun. Hún hefur starfað sem sér-
fræðingur, stjórnandi og leiðbeinandi fullorðinna frá 1983.
Hún hefur sinnt fræðslumálum fullorðinna um árabil m.a. sem
kennari við Tölvuháskóla Verzlunarskóla Íslands 1988–1997,
sem forstöðumaður upplýsingatæknimála og fræðslustjóri
Pennans 2000–2006. Hún hefur einnig verið skipuleggjandi
og leiðbeinandi á fjölda námskeiða á vegum Símenntar TVÍ,
EHÍ og fyrir ýmis fyrirtæki og stofnanir.