Gátt - 2013, Síða 4

4
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
Nú eru 10 ár frá því að Fræðslu-
miðstöð atvinnulífsins hóf starfsemi
sína.
Markmið FA er að veita einstak-
lingum á vinnumarkaði, sem ekki
hafa lokið formlegu prófi frá fram-
haldsskóla, tækifæri til að afla sér
menntunar eða bæta stöðu sína á
vinnumarkaði. Sá markhópur er um
30% fólks á vinnumarkaði og brýnt
að sú tala lækki verulega.
Segja má að hlutverk fram-
haldsfræðslunnar sé að bregðast
við afleiðingunum af vandanum
sem felst í allt of háu brottfalli nemenda í framhaldsskólum
án þess að skilgreindum prófum sé lokið. Eitt af forgangs-
verkefnum núverandi ríkisstjórnar í menntamálum er að
sporna við þessu brotthvarfi. Hluti þess verkefnis er stytting
framhaldsskólans þannig að hann verði markvissari og meira
aðlaðandi fyrir nemendur. Jafnframt er mikilvægt að tengja
framhaldsskólann og framhaldsfræðsluna betur saman.
Þetta gerum við meðal annars með þeirri vinnu sem nú fer
fram við skilgreiningar í svokallaðan hæfniramma. Í þeirri
vinnu er sérstaklega mikilvægt að framhaldsfræðslan taki
þátt af fullum þunga. Grundvallarspurningin er hvaða hæfni
og hvaða tækifæri viljum við að nemendur sem ljúka skil-
greindum prófum á Íslandi hafi?
Í alþjóðlegri stefnumótun í menntamálum er gjarna
gengið út frá hugtakinu lykilhæfni og þá litið til þess hvaða
hæfni nemendur þurfa að ráða yfir til að taka virkan þátt
í nútímaþjóðfélagi og atvinnulífi. Lykilhæfnin endurspeglar
það viðhorf að einstaklingur verður að vera fær um að takast
á við flókin viðfangsefni til þess að eiga í samskiptum við
aðra og byggja upp eigin styrk og frumkvæði. Þar reynir á
almenna hæfni sem nemendur öðlast gjarna utan kennslu-
stofunnar.
Í þessu sambandi er ástæða til að leggja áherslu á mikil-
vægi raunfærnimats sem þróað hefur verið af FA. Raunfærni-
matið opnar leið til náms og prófa fyrir fjölda einstaklinga
sem öðlast hafa reynslu á vinnumarkaði án þess að hafa
lokið formlegu námi í framhaldsskóla.
Ég vil nota þetta tækifæri og óska FA til hamingju með
afmælið og þann mikla árangur sem náðst hefur á árunum tíu
sem liðin eru frá stofnun miðstöðvarinnar. Ásamt símennt-
unarmiðstöðvum um allt land gegnir FA veigamiklu hlutverki
í íslensku menntakerfi.
Verkefni FA eru mikilvæg fyrir menntunarstig og sam-
keppnishæfni þjóðarinnar og áríðandi að þeim verði haldið
áfram af fullum krafti.
Illugi Gunnarsson
I LLUGI GUNNARSSON
Á V A R P M E N N T A M Á L A R Á Ð H E R R A