Gátt - 2013, Síða 6

6
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
Þankar um framtíðina, þann óaf-
markaða tíma sem tekur við af
núinu, sækja á þegar framhalds-
fræðsla hefur verið starfrækt í tíu ár.
Framhaldsfræðslan þarf í fram-
tíðinni að eiga sér skýra heimilisfesti
í íslenska hæfnirammanum. Ramm-
inn er mikilvægt tæki til að auka á
gagnsæi á milli og innan skólastiga,
skólastofnana og menntakerfa landa.
Hann getur stuðlað að sveigjanleika
sem atvinnulífið hefur lengi kallað
eftir og ýtt undir samkeppnishæfni
þess. Hæfnirammann þarf að vinna
út frá menntakerfinu í heild sinni, bæði hinu formlega skóla-
kerfi og framhaldsfræðslukerfi sem reynir að ná utan um
óformlegt og formlaust nám. Enn sem komið er er hann of
skólamiðaður. Fyrsta þrep rammans verður að óbreyttu of
breitt, svo að það getur reynst erfitt að byggja upp stíganda
eða hvatningu til aukinnar þekkingar- og hæfnileitar hjá
þeim sem minnsta menntun hafa. Sú fjölbreytni, sem vinnu-
markaðurinn býr yfir og getur búið yfir, verður í framtíðinni
að rúmast innan rammans.
Fyrirtæki eru námsstaðir og við ætlum að finna enn fleiri
leiðir til að það nám, sem þar fer fram, verði metið ef fólk
hefur hug á afla sér frekari menntunar. Þekkinguna, hæfn-
ina og færnina, sem menn tileinka sér í vinnu, á að meta
til námseininga. Það má ekki vera ókleifur múr að ljúka
skilgreindu starfsnámi og halda svo áfram eftir það standi
hugurinn til þess. Í framtíðinni mætum við þeim sem minnstu
menntunina hafa með þeim hætti að þeir njóti sín og fái nám
og störf við hæfi.
Við ætlum líka að halda áfram því sem við höfum verið
að gera og hefur reynst vel. Það á við um raunfærnimatið,
vottuðu námsleiðirnar og ráðgjöfina. Við munum þurfa að
spýta í lófana, raunfærnimatsleiðum fjölgar hratt og þar með
þeim sem vilja ljúka námi eftir raunfærnimat. Það þarf enn
fleiri vottaðar starfsnámsleiðir og ráðgjöfin er óaðskiljan-
legur hluti raunfærnimats og kennslu fullorðinna. Þeirra sem
eru á vinnumarkaði en stefna að því að ljúka viðurkenndu
námi. Hæfniramminn er yfir og allt um kring og verkefnin
tengjast öll áherslunni á fyrirtæki sem námsstað. Það er
nauðsynlegt að virkja þekkingar- færni- og hæfniuppbygg-
inguna sem þar fer fram til að búa til fleiri gerðir starfsnáms
í takt við nútímann hverju sinni.
Ofangreint lítur að inntaki þess starfs sem unnið er að
hjá Fræðslumiðstöðinni og samstarfsaðilum hennar. Í fram-
tíðinni þurfum við að vera tilbúin til endurskoðunar á kerfi
framhaldsfræðslunnar en gæta þess að missa ekki sjónir á
þeim tilgangi starfsins að stuðla að því að sem flestir sem
ekki hafi lokið viðurkenndu nám á framhaldsskólastigi eigi
raunhæfan kost á að gera það.
Starf stjórnar Fræðslumiðstöðvar atvinnulífsins hefur frá
upphafi einkennst af eindrægni, skýrri sýn til framtíðar og
trausti milli þeirra sem að henni standa. Hæft starfsfólk FA
fullt eldmóðs tengist öðrum eins hópi hjá samstarfsaðilunum
í símenntunarmiðstöðvum og fræðslustofnunum atvinnu-
lífsins og hleypir stefnunni í framkvæmd. Kraftmikil blanda
verður samt ekki til án nemenda. Í þeim efnum er að takast
vel til. Rúmlega 18 þúsund nemendur í vottuðum námsleiðum
frá árinu 2003, tæplega 29 þúsund einstaklingar í náms- og
starfsráðgjöf á átta árum og 2.000 manns í gegnum raun-
færnimat frá 2007, þar af rúmlega 400 manns á ári sl. tvö ár.
Framtíðin ber í skauti sér brýn og stór viðfangsefni í
fræðslumálum. Stjórn Fræðslumiðstöðvarinnar hyggst takast
áfram á við þau sem að henni snúa af ekki minni metnaði
en hingað til.
Guðrún Eyjólfsdóttir
GUÐRÚN EYJÓLFSDÓTTIR
Á V A R P F O R M A N N S