Gátt - 2013, Qupperneq 73

73
R Á Ð G J Ö F O G R A U N F Æ R N I M A T
G Á T T – Á R S R I T – 2 0 1 3
árum og hefur verið hannað viðurkennt ferli fyrir það undir
faglegri stjórn Fræðslumiðstöðvar atvinnulífsins. Raun-
færnimatsferli hefur þegar verið skilgreint í mörgum starfs-
greinum, ekki síst innan iðngreina og sífellt bætast fleiri við.
SÍMEY hefur verið leiðandi aðili í raunfærnimati og þróun
þess á starfssvæði sínu.
L Ý S I N G Á Þ R Ó U N A R V E R K E F N I N U
R A U N F Æ R N I M A T F Y R I R A T V I N N U -
L E I T E N D U R
Liður í þróunarverkefninu Raunfærnimat fyrir atvinnuleit-
endur er að skapa viðvarandi árangur, það er að atvinnu-
leitendur myndi raunveruleg tengsl við ákveðin starfssvið
og hugleiði í framhaldi af því mögulega menntun. Einnig að
atvinnuleitendur fái persónuleg og starfstengd atriði metin
með raunfærnimatinu sem virkar eins og vegabréf þeirra inn
á vinnumarkaðinn. Markhópurinn er atvinnuleitendur á aldr-
inum 20–25 ára sem hafa stutta formlega menntun og hafa
verið atvinnulausir í sex mánuði eða lengur. Hlutverk náms-
og starfsráðgjafar er að halda utan um hópinn og tryggja að
ferlið fái eðlilega framgöngu og að öllum verkþáttum verði
sinnt með eðlilegum hætti. Segja má að rauði þráðurinn í
ferlinu sé að atvinnuleitendur fái aukinn styrk, sjálfstraust og
drifkraft til að takast á við þær áskoranir í lífinu sem þá hefur
alltaf langað til að takast á við. Raunfærnimatið gengur út á
að finna út: Hver er ég og hvert liggur mín leið?
Þróunarverkefnið Raunfærnimat fyrir atvinnuleitendur skipt-
ist í þrjú stig.
1. Sjálfskoðun og greining á eigin stöðu (2 vikur).
Hópefli, námstækni, sjálfsmat á eigin færni, áhugasvið,
Ávísun á ástríðu og hópráðgjöf.
2. Vinnustaðanám (6 vikur). Þjálfun og kynning á tilteknu
starfssviði, netdagbók og sameiginlegt mat á frammi-
stöðu þátttakanda í verkefnum.
3. Næstu skref og samantekt raunfærnimats (2 vikur).
Atvinnuleitin, (færnimöppugerð, ferilskrá, rafræn feril-
skrá) staðfesting raunfærnimats, náms- og starfsráð-
gjöf, markmiðasetning og útskrift.
Markmiðið með Raunfærnimati fyrir atvinnuleitendur er að
hægt sé, að loknu 10 vikna ferli, að meta færniviðmið hjá
atvinnuleitendum út frá öllum stigum raunfærnimatsferlis-
ins. 15 færniviðmið (viðauki 1) eru til mats og getur verið
misjafnt hve mörg færniviðmið þeir fá metin.
F Y R S T A S T I G – S J Á L F S K O Ð U N O G
G R E I N I N G Á E I G I N S T Ö Ð U
Á fyrsta stiginu mæta atvinnuleitendur í kennsluhúsnæði í
tvær vikur og eru daglega frá kl. 09:00–15:00. Mikilvægt er
að atvinnuleitendur mæti og sjá náms- og starfsráðgjafar um
að fylgja því eftir. Áhersla er lögð á virkni atvinnuleitenda
í vinnu með persónulega uppbyggingu þeirra frá ýmsum
hliðum. Á þessu stigi er markmiðið að atvinnuleitendur kynn-
ist hver öðrum, skapa jákvæðni og leggja grunn að því að
atvinnuleitandi sé tilbúinn að fara að vinna með sjálfan sig.
Eftirfarandi þættir eru hluti af fyrsta stiginu:
• Hópefli er fyrsta skrefið í ferlinu. Atvinnuleitendur fara í
hópefli og er megináherslan lögð á að þeir kynnist hver
öðrum, það myndist samkennd innan hópsins, hópurinn
vinnur sem heild og mikil áhersla er lögð á virkni ein-
staklinganna, leiki og sköpun. Einnig er lögð áhersla á
að atvinnuleitendur fari út fyrir þægindahringinn.
• Í námstækninni er farið yfir þá þætti sem skipta máli
þegar nám er hafið að nýju og hvaða áhrif sjálftraust
og viðhorf hafa þegar kemur að námi. Kennd eru vinnu-
brögð og tækni sem einstaklingarnir geta tekið upp
til að ná betri árangri. Handbók í námstækni er höfð
til hliðsjónar og eru unnin ýmis verkefni með það að
leiðarljósi að bæta vinnubrögð þátttakanda í námi.
• Sjálfsmat á eigin færni. Atvinnuleitendur skoða og meta
eftir gátlistum persónulega eiginleika sína. Það er gert
til að skapa hugsun og vangaveltur um styrkleika þeirra
og veikleika í samskiptum.
• Sem hluta af persónulegri sjálfskoðun hvers og eins er
mikilvægt að skoða hvar áhugasviðin liggja. Einstak-
lingar eru ólíkir og mikilvægt er að þeir sjálfir skilji og
þekki mismunandi áhugasvið, einnig til þess að veita
þeim tækifæri til þess að tengja saman persónuleg
markmið og eiginleika.
• Ávísun á ástríðu gengur út á að margir fullorðnir hafa
gleymt löngunum sínum og draumum. Í þessum hluta er
farið í innri sjálfskoðun sem er til þess fallin að endur-
vekja innri markmið og finna leiðir til að ná þeim.
• Hópráðgjöf gengur út á að hópurinn ræðir saman dag-
lega og fer yfir helstu markmið, vangaveltur og fleira.