Gátt - 2013, Side 93

93
A F S J Ó N A R H Ó L I
G Á T T – Á R S R I T – 2 0 1 3
Önnur smiðjan (Pinnasuðusmiðja) var haldin fyrir atvinnu-
leitendur hjá VMST.
Fjöldi þátttakenda var níu, átta karlmenn og ein kona.
Níu þátttakendur luku smiðjunni. Af þessum hópi eru þrír
komnir með vinnu og einn vinnumarkaðsúrræði í gegnum
VMST.
Þriðja smiðjan (Pinnasuðusmiðja) var haldin fyrir atvinnu-
leitendur hjá VMST.
Níu karlmenn tóku þátt og luku þeir allir smiðjunni. Af
þessum hópi hafa tveir fengið vinnu og einn vinnumarkaðs-
úrræði í gegnum VMST.
Fjórða smiðjan (TIG-suðusmiðja) var haldin fyrir atvinnu-
leitendur hjá VMST.
Fjöldi þátttakenda var átta, þar af ein kona. Luku fjórir
smiðjunni. Af þessum hópi eru þrír komnir með vinnu en
vinnuna fengu þeir án þess að ljúka smiðjunni. Einn fór í
vinnumarkaðsúrræði í gegnum VMST.
Eins og áður segir þá er fimmta suðusmiðjan í gangi. Er þar
um að ræða TIG-suðusmiðju og eru tíu þátttakendur í henni.
Til að rýna enn frekar til gagns var haft samband við nokkra
af þátttakendunum á smiðjunum og óskað eftir ummælum
þeirra.
U M M Æ L I Þ Á T T T A K E N D A :
Ég er mjög sáttur við þetta suðunámskeið í alla staði.
Kennararnir mjög góðir báðir tveir og miðluðu reynslu
sinni og kunnáttu mjög vel. Þeir sýndu okkur hvernig
suðustrengir eru skoðaðir. Það fannst mér mjög áhuga-
vert. Bækurnar sem við fengum eru líka hreinlega upp-
flettirit sem á eftir að koma sér vel fyrir mig, t.d. með
val á rafsuðuvír og hvernig lesa megi úr merkingum
á ýmsum hlutum. Ég hef, og hafði, unnið mikið með
rafsuðu fyrir þetta námskeið og hélt að ég væri með
miklu meiri þekkingu en raun bara vitni. Þetta námskeið
mun nýtast mér mjög vel núna enda kominn með vinnu.
:) Ég horfi allt öðrum augum á þetta starf, að vera suðu-
maður, mun vanda mig betur og gefa mér mun meiri
tíma í þessa vinnu en ég hef gert hingað til.
Ég gef þessu námskeiði 10 af 10. Þetta eru fagmenn
í alla staði, eru með þolinmæði og kunnáttu til að miðla
til annarra. Ég er mjög ánægður að hafa fengið þetta
tækifæri og þakka kærlega fyrir mig.
Frábært námskeið með toppkennurum. Námskeið sem
hentar bæði byrjendum sem vönum suðumönnum.
Farið er ítarlega í fræði suðuvinnunnar með aðstoð
góðra námsgagna og tekur verkefnastaðan tillit til getu
hvers og eins.
Mæli hiklaust með þessu námskeiði fyrir alla sem
hafa áhuga á að bæta suðufærni sína til muna.
Mjög svo fræðandi og gott námskeið, með topp-
kennurum. Algjörlega málið fyrir alla þá sem vilja bæta
suðufærni sína.
Hvað námskeiðið sjálft varðar þá var það afar gott.
Aðgengið í efni og aðföng voru til fyrirmyndar og fyrir
mína parta stóð upp úr hversu mikinn tíma við höfðum
til þess að fikta okkur áfram, þetta er handavinnufag
sem er ekki hægt að læra af bókinni einni. Ég held að
ég hafi verið búinn að sitja í þrjá daga og reyna sjálfur
þegar þetta kom. Það var engin pressa á mann og ég tel
að það sé gott. Maður fór bara áfram á sínum hraða og
byggði upp sjálfstraust. Í endann var svo Axel farinn að
hjálpa þeim sem voru að heltast úr lestinni ef til þurfti.
Ég þakka bara kærlega fyrir mig.